Maqtaaralda Konstitýtsiia kúni ardager sportshylar dop tepti
Konstitýtsiiamyzdyń 23 jyldyǵyna arnalǵan Atakent kentiniń «Alpamys batyr» stadionynda 50 jastan asqan ardager sportshylar arasynda «Alash elinde, qazaq jerinde jastarǵa órnek bolaiyq!» uranymen kishi fýtboldan oblystyq jarys ótti.
Saiysqa barlyǵy 6 komanda qatysty. Atap aitqanda, Shymkent qalasynan 2 komanda, Saryaǵash, Keles, Jetisai, Maqtaaral aýdandarynan 1 komandadan dodaǵa tústi.
Tartysty ótken jarysta oza shaýyp Maqtaaral aýdanynyń ardagerler komandasy I oryndy jeńip aldy. Sondai-aq, II oryndy Shymkent qalasynyń «Lokomotiv» komandasy, III oryndy Shymkent qalasynyń taǵy bir «Naýryz» komandasy ielendi.
Jarysta júldeli oryndy alǵan komandalar arnaiy marapattalyp, baǵaly syilyqtar tabys etildi.
Maqtaaral aýdany ákiminiń baspasóz qyzmeti
