Aýdan alǵash qurylǵan kúninen bastap ákimdik qyzmetkerleri úzdiksiz jumys istep jatyr. Solardyń arasynda bilim berý salasynyń jumysyn bólip aıtýǵa bolady. Búginde aýdandyq bilim bólimine qarasty 56 mektep jumys isteıdi. Bilim mekemelerinde 27108 oqýshy tárbıelenýde. Qosymsha uıymdarda 1146 oqýshy qosymsha bilim alyp jatyr. Qazaq tilinde oqıtyn oqýshylar sany – 11845, qazaq-orys tilinde oqıtyn oqýshylar sany – 9807, qazaq-ózbek tilinde oqıtyndar sany – 2943, qazaq-tájik tilinde oqıtyn oqýshylar sany – 2132, qazaq-ózbek-orys tilinde oqıtyn oqýshylar sany – 381. Bizde 3753 muǵalim jumys isteıdi.
2018 jyldyń mamyr aıynyń qorytyndysy boıynsha 96 balabaqsha jumys istese, ondaǵy top sany 355-ke jetti. Sóıtip, 3-6 jas boıynsha balalardy balabaqshamen qamtý 93 paıyzdy qurap otyr. Onyń ishinde 1-6 jas boıynsha balalardy qamtý 45 paıyzdy qurady.
Qazaqstan Respýblıkasynda bilim berýdi damytýdyń 2016-2019 jyldarǵa arnalǵan memlekettik baǵdarlamasyn, tildiń úshtuǵyrlylyǵyn damytý týraly qoıǵan mindetterdi oryndaý maqsatynda «Aqberen», «Sholpan» bóbekjaı-balabaqshalary «Kóptildilikke baýlý – mektepke deıingi tárbıe men oqytý» boıynsha ádistemelik eksperıment sıpatyndaǵy balabaqsha retinde jumys isteıdi.
Dalanews.kz
