Búgin Maqtaaral aýdan ákimi Baqyt Asanov Maqtaaral aýyldyq okrýginiń aktıvine okrýgtiń jańa basshysyn tanystyrdy. Saılaýdan jeńip shyqqan Ibraev Alım Djýmadýllaevıch aýdan ákiminiń ókimimen jeke eńbek shartyna sáıkes, mindetti arnaıy tekserýden ótkenge deıin Maqtaaral aýyldyq okrýgi ákiminiń mindetin ýaqytsha atqarýshy bolyp taǵaıyndaldy.

– Maqtaaral aýyldyq okrýgi – Maqtaaral aýdanynyń kireberis qaqpasy. Kelgen qonaqtar bizdiń aýdandy sizderge qarap tanıdy. Sondyqtan da, okrýgte abattandyrý men tazalyq jumystaryn myqtap qolǵa alýdy jańa ákimge júkteımin, – dedi Baqyt Násirhanuly.

A.Ibraev 1971 jyly OQO, Maqtaaral aýdanynda týylǵan. 2005 jyly Qazaq gýmanıtarlyq zań ýnıversıtetin aıaqtaıdy.

Eńbek jolyn 1990 jyly «Maqtaaral» kompanıasynda mehanık bolyp bastaıdy. 1996 jyly «Arǵymaq sehy» JSHS-niń bastyǵy, 2003 jyly dırektorynyń orynbasary bolyp qyzmet atqarǵan.

2009 jyldan bastap Maqtaaral aýyldyq okrýginiń bas maman-zańgeri mindetin atqarýshy, 2010 jyly bas maman-zańgeri bolyp eńbek etti.

2018 jyldyń tamyz aıynan bastap qazirge deıin Maqtaaral aýyldyq okrýgi ákiminiń ýaqytsha mindetin atqarýshy bolyp jumys jasady.

 

Maqtaaral aýdany ákiminiń baspasóz qyzmeti