Aýdan ákimdigi jáne onyń qurylymdyq bólimderi týraly BAQ-ta, áleýmettik jelilerde jariialanǵan syni materialdarǵa zerdeleý jumystary júrgizilip, der kezinde aqparattyq anyqtama berilýde. Monitoring júrgizý barysynda shilde aiynan beri 24 syni material anyqtalyp, olar boiynsha tiisti jumystar júrgizilgen. Syni materialdardyń basym bóligi aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bólimine, aýdandyq bilim bólimine jáne aýdandyq veterinariia bólimine qatysty.
«Jańadan qurylǵan Maqtaaral aýdany ákimdiginiń WhatsApp (87075896785) qyzmeti iske qosylyp, serviske túsken aryz-shaǵymdar men ótinishterge de shuǵyl jaýaptar berilýde. Qazirgi tańǵa deiin turǵyndar tarapynan 12 túrli máseleler qozǵalyp, onyń 11-ne jaýap berilgen» - dedi D.Aiazbekov.
Aita keteiik, Maqtaaral aýdany boiynsha «Tsifrlyq Qazaqstan» memlekettik baǵdarlamasyn oryndaý úshin aýdan ákimimen jumys jospary bekitilip, birneshe jobalar iske aspaqshy. «Smart Maktaaral» dep atalatyn joba boiynsha aýdandaǵy bazarlar men saýda núkteleriniń, qyzmet kórsetý oryndarynyń jumysyn avtomattandyrý, bilim berý uiymdarynda IT synyptaryn ashý, aýdan boiynsha tegin Wi-fi jelilerin qurý, kommýnaldyq tólemderdi terminaldar jáne smartfon arqyly onlain tóleý, elektrondy aqsha ainalymyna jaǵdai týǵyzý, aýdannyń mańyzdy joldarynda aqyldy jaryqtandyrý júielerin ornatý, beinebaqylaý júielerin damytý, aqyldy sýarý júielerin engizý siiaqty t.b. jumystar atqarylatyn bolady.
