Maqtaaral aýdany ákimniń kýbogy ótti

Dalanews 30 tam. 2019 04:08 594

30 tamyz – Konstıtýsıa kúni qarsańynda Maqtaaral aýdanynda úlken fýtbol toıy ótti. Búgin «Jastar jyly» aıasynda «Sport – densaýlyq kepili» atty uranmen aýdan ákiminiń kýbogy úshin eresekter arasynda ótken Maqtaaral aýdanynyń birinshiligi óz máresine jetti.

Elbasy «Jańa onjyldyq – Jańa ekonomıkalyq órleý – Qazaqstannyń jańa múmkindikteri» atty Joldaýynda 2020 jyly elimizde buqaralyq sportpen shuǵyldanýshylardyń sanyn 30 paıyzǵa jetkizýdi júktegen bolatyn. Mine, osy mindetti oryndaý maqsatynda aýdan ákimi Baqyt Asanovtyń bastamasymen maýsym aıynda bastalǵan dodaǵa 2 kent pen 9 aýyldyq okrýgtiń qurama komandalary qatysyp, jalpy sany 60 oıyn ótkizilgen. Sondaı-aq, 200-ge jýyq sportshy jarysqa tartylyp, ondaǵan tóreshiler tórelik jasaǵan.

Búgin aýdan birinshiliginiń jartylaı fınaly jáne fınaly kezeńderi ótip, 3 aı boıy ótken jarystyń júldegerleri anyqtaldy. Marapattaý rásimine qatysqan aýdan ákiminiń orynbasary Sáken Sultanhanov júldegerlerdi quttyqtap, arnaıy marapattady.

– Eń birinshiden, Qazaqstan Respýblıkasynyń Konstıtýsıasy kúni qutty bolsyn! 3 aı boıy tartysty da qyzyqty ótken Maqtaaral aýdanynyń birinshiligi búgin óz máresine jetip otyr. Aýdannyń buqaralyq sportynyń damýyna atsalysyp, jazdyń shilińgir ystyǵyna qaramaı jasyl alańnan tabylǵan barshańyzǵa aýdan ákiminiń atynan jáne óz atymnan alǵysymdy bildiremin! – dedi Sáken Asylhanuly.

Aýdan birinshiliginiń qorytyndysy:

İ oryn - Atakent kenti;

İİ oryn - J.Nurlybaev a/o;

İİİ oryn - Myrzakent kenti;

Úzdik oıynshylar:

Úzdik oıynshy - Esenov Ǵalymjan (Myrzakent kenti);

Úzdik shabýylshy - Ilásov Azamat (Atakent kenti);

Úzdik qaqpashy - Sarmanov Naýryz (A.Qalybekov a/o);

Úzdik qorǵaýshy - Tórejanov Baýyrjan (Maqtaaral a/o);