EKSPO qarsańynda ushaq ishinde tártip buzyp, baiaǵy ádetine basqan elimizdiń erke balasy Maqsat Úsenov jaýapqa tartylatyn bolypty. Bul týrasynda QR Investitsiia jáne damý ministrliginiń ókili Murat Jumanbai óziniń Feisbýktaǵy paraqshasynda málimdedi.
Ministiriliktiń resmi ókili: “QR Investitsiia jáne damý ministrligi azamattyq aviatsiia komiteti Maqsat Úsenovty jaýapkershilikke tartady. 2017 jyly 16 maýsymda komitet qyzmetkerleri Maqsat Úsenovtyń áreketine bailanysty ákimshilik hattama toltyrdy. Ol ushaqta shý shyǵaryp, ushý saparyna qaýip tóndirgeni úshin aiyptalyp otyr”, – dep túsinikteme beripti.
Endi Mákeńdi qandai jaza kútip turǵany jaiynda aitsaq. Mundai jaǵdaida ony 200 ailyq eseptik kórsetkish (453 800 teńge) aiyppul tóleý nemese 15 táýlikke qamalýy yqtimal.
Kúni keshe ǵana Almaty qalalyq ákimshilik soty Úsenovtyń ushaqtaǵy tártipsizdik áreketine bailanysty ony 10 kúnge qamaýǵa alý týraly sheshim shyǵarypty. Kýágerlerdiń aitýynsha, Úsenov áýe sapary kezinde balaǵat sózder aityp, qaýipsizdik jónindegi ekipaj talabyn oryndaýdan bas tartyp, jolaýshylardyń sapary úshin qolaisyz jaǵdai týdyrǵan. Ol sot otyrysynda óz kinásin ishinara ǵana moiyndaǵan.
Sońǵy eki-úsh jylda sottyń esigin tozdyrǵan Maqsatjan búginde ózin qalai qorǵaýdy úirenip alýy múmkin.
EKSPO kezinde elimizde álemge tanytamyz dep bárimiz janymyzdy salyp jumys istep jatqanda Úsenovtyń shý shyǵaryp, eldiń nazaryn taǵy da ózine aýdarǵanyn áste keshirýge bolmaidy.
Kúni keshe ǵana bizdiń bilik EKSPO-ǵa kelgen meimandy áýejaidan qonaq úige deiin qomaqty aqshaǵa aparyp uiatqa qalǵan Astananyń taksistin taýyp, jazalady emes pe? Bizdińshe, Maqsat Úsenov sol qarapaiym taksistten áýlie emes. Ol bul joly taǵy da jeńil jazamen qutylyp ketpeýi kerek. Erteń tiisti oryndar "jaýapkershilikke tartatyn zańymymyz tym jumsaq bolyp Mákeńdi jazaǵa tarta almadyq" dep zańymyzdy taǵy da ózgertpesin. Degenmen Úsenovke rahmet, zańymyzdyń qandai olqy tustary bar ekenin qoǵam aldynda aiqyndap, ony qataitýǵa áser etip júrgenin moiyndaýymyz kerek.
Nurlan JUMAHAN
(jazba avtordyń Feisbýktaǵy paraqshasynan alyndy)
https://dalanews.kz/26043
