Bul týraly qala ákimdiginiń resmi saityna siltep Dalanews.kz habarlaidy.
Jyl saiyn joǵary jáne joǵary oqý ornynan keiingi bilimi bar kadrlardy daiarlaýǵa bólinip kele jatqan granttardyń arqasynda elordalyq birqatar jastar jumysqa ornalasqan.
Máselen, 2022 jyldan bastap qala ákimdiginiń granty boiynsha oqytylǵan 338 pedagog jumysqa qabyldanǵan.
S.Seifýllin atyndaǵy №80 mektep-gimnaziiasynyń muǵalimi Janar Ospanova: «2018 jyly Pavlodar pedagogikalyq ýniversitetine biolog mamandyǵy boiynsha oqýǵa tústim. Ákim granty bizdi mamandyǵymyz boiynsha oqýǵa túsip, ózimizdi maman retinde qalyptastyrýda aldymyzǵa úlken jol ashty. Qazir S.Seifýllin atyndaǵy №80 mektep-gimnaziiasynda ustaz bolyp eńbek etip júrmin. Osy jolda bilim alyp, eńbektenýimizge múmkindik bergeni úshin alǵysym sheksiz! Ustazdar qaýymyn kele jatqan kásibi merekemizben quttyqtaimyn!» - deidi.
Tanymal ekonomist Aibar Oljai óziniń feisbýk jelisindegi paraqshasynda: «2023 jyldan bastap muǵalimderdiń ailyǵy taǵy 25 paiyzǵa kóterildi. Eń jas maman 319 500 teńge alady. Al ótili, sanaty bar pedagogtarǵa ústinen eleýli ústeme qosylǵan. Qolyna 800 myń alatyn muǵalimderdi bilemin» - dep jazǵan.
«Biraq osy joǵary jalaqy ýaqytyly tólene me degen suraqtar týyndap jatady. Qazirgi tańda tek sanaýly óńirde biýrokratiialyq qiyndyqtardan mundai másele týyndaǵany bolmasa, iri qalalarda ol problema atymen sheshilgen» - degen A.Oljai máselen, Astana qalasynda jalaqyny ýaqytyly tóleý máselesi joǵary deńgeide jolǵa qoiylǵan dese bolady. Qazirgi tańda osy baǵyttaǵy barlyq problemalar óz sheshimin tapty – deidi.
Aita keteiik, Astana qalasynyń bilim salasyna bólingen biýdjeti biyl 20 paiyzǵa ósip, 209,8 milliard teńgege jetken. Onyń ishinde, osy jyly orta bilimge 108,6 milliard teńge qarastyrylǵan. Elordada 98 orta mektep bar eken.
