Ýkraina prezidenti Vladimir Zelenskii Ýkraina Qarýly kúshteriniń bas qolbasshysy Aleksandr Syrskiidi qyzmetinen bosatý týraly sheshim qabyldaǵanyn málimdedi. Onyń ornyna buǵan deiin Ýkraina Qarýly kúshteriniń Birikken kúshterin basqarǵan 43 jastaǵy general-maior Mihail Drapatyi taǵaiyndalady, dep habarlaidy dalanews.kz.
Zelenskii kúndelikti keshki úndeýinde armiia men Ýkraina Qorǵanys jáne qaýipsizdik kúshteriniń joǵary basshylyq quramymen birqatar kezdesý ótkizgenin aityp, ortaq ustanym qalyptasqanyn jetkizdi.
Onyń aitýynsha, Mihail Drapatyimen arada aldaǵy jáne orta merzimdegi negizgi mindetter talqylanǵan. Ol Ýkraina Qorǵanys kúshteriniń operatsiialary turaqty túrde jalǵasatynyn, sondai-aq, alys qashyqqa baǵyttalǵan sanktsiialar jospary men "midlstraik" baǵdarlamasy tolyq oryndalatynyn aitty.
Sonymen qatar, Zelenskii Aleksandr Syrskiidiń Kievti qorǵaý, Harkov baǵytyndaǵy qarsy shabýyl jáne Reseidiń Kýrsk oblysyndaǵy operatsiia kezinde Ýkraina úshin mańyzdy nátijelerge qol jetkizgenin atap ótti.
Zelenskiidiń sózinshe, Syrskiidi qyzmetinen bosatý jáne Drapatyidy taǵaiyndaý týraly jarlyqtarǵa búgin qol qoiylady.
