Украина президенті Владимир Зеленский Украина Қарулы күштерінің бас қолбасшысы Александр Сырскийді қызметінен босату туралы шешім қабылдағанын мәлімдеді. Оның орнына бұған дейін Украина Қарулы күштерінің Біріккен күштерін басқарған 43 жастағы генерал-майор Михаил Драпатый тағайындалады, деп хабарлайды dalanews.kz.
Зеленский күнделікті кешкі үндеуінде армия мен Украина Қорғаныс және қауіпсіздік күштерінің жоғары басшылық құрамымен бірқатар кездесу өткізгенін айтып, ортақ ұстаным қалыптасқанын жеткізді.
Оның айтуынша, Михаил Драпатыймен арада алдағы және орта мерзімдегі негізгі міндеттер талқыланған. Ол Украина Қорғаныс күштерінің операциялары тұрақты түрде жалғасатынын, сондай-ақ, алыс қашыққа бағытталған санкциялар жоспары мен "мидлстрайк" бағдарламасы толық орындалатынын айтты.
Сонымен қатар, Зеленский Александр Сырскийдің Киевті қорғау, Харьков бағытындағы қарсы шабуыл және Ресейдің Курск облысындағы операция кезінде Украина үшін маңызды нәтижелерге қол жеткізгенін атап өтті.
Зеленскийдің сөзінше, Сырскийді қызметінен босату және Драпатыйды тағайындау туралы жарлықтарға бүгін қол қойылады.
