Túrkistan oblysyndaǵy mańyzy bar KH-82 «Shymkent-Kóksaıek-Qasqasý-SHymkent» avtomobıl jolyndaǵy «Saıram sý» ózenindegi kópirge Túrkistan oblysynyń jolaýshylar kóligi jáne avtomobıl joldary basqarmasynyń tapsyrysymen 2020 jyldyń mamyr-qyrkúıek aılary aralyǵynda kúrdeli jóndeý jumystary júrgizildi, – dep habarlaıdy Dalanews.kz Túrkistan oblysy Óńirlik komýnıkasıalar qyzmetine silteme jasap.

Jóndeý jumystary kezinde apatty jaǵdaıdaǵy kópir tolyǵymen demontajdalǵan. Kópirdi kóterip turatyn eski tirekterdiń ornyna burǵylap quıý ádisimen tereńdigi 10 metrdi quraıtyn, dıametri 1,5 metrlik 12 dana temirbetondy qadalar quıyldy.

Nátıjesinde, jobaǵa sáıkes, uzyndyǵy 87 metrdi quraıtyn eni 12 metrlik kópir qurylysy júrdi. Sondaı-aq, kópirdiń eki jaǵynan aıaqjol tóselip, kópirdiń astyna gabıondar ornalastyryldy. Qazirgi tańda kópir tolyǵymen aıaqtalyp paıdalanýǵa berilgen.

Sonymen qatar, aǵymdaǵy jyly basqarma tapsyrysymen Ordabasy aýdanyndaǵy oblystyq mańyzy bar KH-8 «Ózbekstan Respýblıkasy shekarasy-SHardara-Arys-Temirlan-M-32» avtomobıl jolyndaǵy «Badam» ózeni ústindegi kópirge merdiger mekeme «Korporasıa Bereke A» JSHS-i tarapynan kúrdeli jóndeý jumystary júrgizildi.

Nysannyń jobalaý-smetalyq qujattamasyna sáıkes, kópirdiń uzyndyǵy 96,2 metr, eni 10 metrdi quraıdy. 2020 jyldyń qazan aıynda kópir qurylysy tolyǵymen aıaqtalyp, paıdalanýǵa berildi. Jóndeý jumystarynyń sapasy tapsyrys berýshi, tehnıkalyq qadaǵalaýshy jáne «Ulttyq jol aktıvteri sapasy ortalyǵy» RMK Túrkistan oblysy fılıalynyń mamandary tarapynan turaqty baqylaýda boldy.