جوندەۋ جۇمىستارى كەزىندە اپاتتى جاعدايداعى كوپىر تولىعىمەن دەمونتاجدالعان. كوپىردى كوتەرىپ تۇراتىن ەسكى تىرەكتەردىڭ ورنىنا بۇرعىلاپ قۇيۋ ادىسىمەن تەرەڭدىگى 10 مەتردى قۇرايتىن، ديامەترى 1،5 مەترلىك 12 دانا تەمىربەتوندى قادالار قۇيىلدى.
ناتيجەسىندە، جوباعا سايكەس، ۇزىندىعى 87 مەتردى قۇرايتىن ەنى 12 مەترلىك كوپىر قۇرىلىسى ءجۇردى. سونداي-اق، كوپىردىڭ ەكى جاعىنان اياقجول توسەلىپ، كوپىردىڭ استىنا گابيوندار ورنالاستىرىلدى. قازىرگى تاڭدا كوپىر تولىعىمەن اياقتالىپ پايدالانۋعا بەرىلگەن.
سونىمەن قاتار، اعىمداعى جىلى باسقارما تاپسىرىسىمەن ورداباسى اۋدانىنداعى وبلىستىق ماڭىزى بار كح-8 «وزبەكستان رەسپۋبليكاسى شەكاراسى-شاردارا-ارىس-تەمىرلان-م-32» اۆتوموبيل جولىنداعى «بادام» وزەنى ۇستىندەگى كوپىرگە مەردىگەر مەكەمە «كورپوراسيا بەرەكە ا» ءجشس-ى تاراپىنان كۇردەلى جوندەۋ جۇمىستارى جۇرگىزىلدى.
نىساننىڭ جوبالاۋ-سمەتالىق قۇجاتتاماسىنا سايكەس، كوپىردىڭ ۇزىندىعى 96،2 مەتر، ەنى 10 مەتردى قۇرايدى. 2020 جىلدىڭ قازان ايىندا كوپىر قۇرىلىسى تولىعىمەن اياقتالىپ، پايدالانۋعا بەرىلدى. جوندەۋ جۇمىستارىنىڭ ساپاسى تاپسىرىس بەرۋشى، تەحنيكالىق قاداعالاۋشى جانە «ۇلتتىق جول اكتيۆتەرى ساپاسى ورتالىعى» رمك تۇركىستان وبلىسى فيليالىنىڭ ماماندارى تاراپىنان تۇراقتى باقىلاۋدا بولدى.
