Spikerdiń aitýynsha, atalǵan qarjy jalpy sipattaǵy transfertter esebenin jergilikti biýdjetten bólinbek. Basqarma basshysy bólinetin soma jyl sońyna deiin taǵy artýy múmkin ekendigin aitty.
Jalpy óńirdiń aýyl sharýashylyǵy salasyn damytý úshin 2019-2021 jyldar aralyǵynda agroónerkásiptik keshenniń 1005 sýbektisine 2,33 mlrd. teńge kóleminde sýbsidiia berilgen. 2022 jyly 2,2 mlrd. teńgege 581 agroónerkásiptik keshen sýbsidiialanǵan.
– Aýyl sharýashylyǵy salasy el ekonomikasynyń negizgi salalarynyń biri. Biyl shaǵyn jáne orta biznes kásipkerlerin, sharýa qojalyqtaryn qoldaý maqsatynda sýbsidiialaýǵa biýdjetten 1,9 mlrd teńge bólindi. Atap aitqanda, mal sharýashylyǵyn damytýǵa – 818 mln.teńge, egin sharýashylyǵyn damytýǵa – 43,6 mln teńge, investitsiialyq sýbsidiialaýǵa – 720,4 mln teńge, syiaqy mólsherlemelerin sýbsidiialaýǵa – 350 mln teńge bólinedi, – dedi Qazbek Táshimov.
Basqarma basshysynyń aitýynsha, bul sýbsidiia kásipkerge jańa asyl tuqymdy mal basyn satyp alýǵa, onyń azyǵyna ketken shyǵyndy óteýge, qus sharýashylyǵyn damytýǵa múmkindik beredi.
Sonymen qatar, lizing boiynsha aýyl sharýashylyǵy tehnikalary men jabdyqtarynyń kredittik syiaqy mólsherlemelerin óteýge, aýyl sharýashylyǵy jerlerinde jańa uńǵymalar qazýǵa, egin sharýashylyǵynda tyńaitqyshtar satyp alýǵa, jumsalǵan sý qunynyń shyǵynyn óteýge jaǵdai jasaidy.
Aita keteiik, sýbsidiiaǵa ótinim berý úshin https://gosagro.kz/base memlekettik aqparattyq júiesine elektrondy tsifrlyq qoltańbamen (ETsP) tirkelip, elektrondy túrde ótinim bere alasyz.
