سپيكەردىڭ ايتۋىنشا، اتالعان قارجى جالپى سيپاتتاعى ترانسفەرتتەر ەسەبەنىن جەرگىلىكتى بيۋدجەتتەن بولىنبەك. باسقارما باسشىسى بولىنەتىن سوما جىل سوڭىنا دەيىن تاعى ارتۋى مۇمكىن ەكەندىگىن ايتتى.
جالپى ءوڭىردىڭ اۋىل شارۋاشىلىعى سالاسىن دامىتۋ ءۇشىن 2019-2021 جىلدار ارالىعىندا اگروونەركاسىپتىك كەشەننىڭ 1005 سۋبەكتىسىنە 2،33 ملرد. تەڭگە كولەمىندە سۋبسيديا بەرىلگەن. 2022 جىلى 2،2 ملرد. تەڭگەگە 581 اگروونەركاسىپتىك كەشەن سۋبسيديالانعان.
– اۋىل شارۋاشىلىعى سالاسى ەل ەكونوميكاسىنىڭ نەگىزگى سالالارىنىڭ ءبىرى. بيىل شاعىن جانە ورتا بيزنەس كاسىپكەرلەرىن، شارۋا قوجالىقتارىن قولداۋ ماقساتىندا سۋبسيديالاۋعا بيۋدجەتتەن 1،9 ملرد تەڭگە ءبولىندى. اتاپ ايتقاندا، مال شارۋاشىلىعىن دامىتۋعا – 818 ملن.تەڭگە، ەگىن شارۋاشىلىعىن دامىتۋعا – 43،6 ملن تەڭگە، ينۆەستيسيالىق سۋبسيديالاۋعا – 720،4 ملن تەڭگە، سىياقى مولشەرلەمەلەرىن سۋبسيديالاۋعا – 350 ملن تەڭگە بولىنەدى، – دەدى قازبەك ءتاشىموۆ.
باسقارما باسشىسىنىڭ ايتۋىنشا، بۇل سۋبسيديا كاسىپكەرگە جاڭا اسىل تۇقىمدى مال باسىن ساتىپ الۋعا، ونىڭ ازىعىنا كەتكەن شىعىندى وتەۋگە، قۇس شارۋاشىلىعىن دامىتۋعا مۇمكىندىك بەرەدى.
سونىمەن قاتار، ليزينگ بويىنشا اۋىل شارۋاشىلىعى تەحنيكالارى مەن جابدىقتارىنىڭ كرەديتتىك سىياقى مولشەرلەمەلەرىن وتەۋگە، اۋىل شارۋاشىلىعى جەرلەرىندە جاڭا ۇڭعىمالار قازۋعا، ەگىن شارۋاشىلىعىندا تىڭايتقىشتار ساتىپ الۋعا، جۇمسالعان سۋ قۇنىنىڭ شىعىنىن وتەۋگە جاعداي جاسايدى.
ايتا كەتەيىك، سۋبسيدياعا ءوتىنىم بەرۋ ءۇشىن https://gosagro.kz/base مەملەكەتتىك اقپاراتتىق جۇيەسىنە ەلەكتروندى سيفرلىق قولتاڭبامەن (ەسپ) تىركەلىپ، ەلەكتروندى تۇردە ءوتىنىم بەرە الاسىز.
