Beıneý aýylynyń turǵyny Ǵalymjan Lepesov sıyr men qoı terisin óńdep, bylǵarydan sapaly aıaq kıim tigýde, – dep habarlaıdy Dalanews.kz Beıneý aýdany ákimdiginiń baspasóz qyzmetine silteme jasap.

İsmer bul kásipke bala kezden mashyqtanǵan. Alǵashynda temirden, aǵashtan ártúrli pishimder ázirleı júrip, turmystyq buıymdar, úı jabdyqtaryn jasapty. Búginde ol etik tigý isin qolǵa alyp otyr.

– Qazirgi ýaqytta tek erlerge arnalǵan aıaq kıim tigip jatyrmyn. Aldymen tapsyrys berýshiniń ólshemin alyp, daıyn bolý ýaqytyn kelisip alamyn. Keıin kerekti materıaldardy daıyndap, aıaq kıim jasaýǵa kirisemin. Shaǵyn ǵana sehymda arnaıy qurylǵylarym bar. Tutynýshynyń kóńilinen shyǵyp, oıyndaǵydaı etip jasaýǵa bar kúshimdi salamyn. Aldaǵy ýaqytta shaǵyn sehty kásipkerlikti qoldaıtyn memlekettik baǵdarlamalar arqyly odan ári damytyp keńeıtý josparda bar, – dedi Ǵalymjan Lepesov.