Mańǵystaý oblysyndaǵy №99116 áskeri bóliminde sýitsidke áreket jasaǵan sarbazdar sany úshten jetige deiin óskeni belgili boldy, dep habarlaidy Dalanews.kz Halyqstan-ǵa siltep.
Buǵan deiin psihiatriialyq aýrýhanaǵa úsh sarbaz tústi dep habarlanǵan edi. Alaida shyn máninde ótken aptada birden jeti áskeri qyzmetshi sýitsidtik minez-qulyq belgilerimen emhanaǵa jetkizilgen. Olardyń bárinen qolynyń kúre tamyrynda jaraqat tabylǵan.
Qazirgi tańda úsheýi dárigerlerdiń baqylaýynda qalyp otyr. Al tórteýin ata-analary alyp ketip, olarǵa psihikalyq aýytqýlar týraly anyqtama rásimdegen.
Arnaiy emhanada áli de em alyp jatqan sarbazdardyń ishinde – Almatydan shaqyrylǵan 18 jastaǵy Sultan Shyntemirov bar. Onyń anasy Laýra Shantemirova ulyn negizsiz "psihikalyq aýrý" dep tanydy dep sanaidy.
"Maǵan "júrek pen búirek aýrýyna bailanysty tekseriledi" dep aitqan. Shyn máninde ony psihiatriialyq emhanaǵa jibergen eken", – deidi ol.
Anasynyń aitýynsha, Sultan bes ailyq qyzmetinde eki ret ózin óltirýge talpynǵan. Buǵan áskerdegi álimjettik, aqsha bopsalaý, júieli soqqyǵa jyǵý sebep bolǵan. Sonymen birge ol sarbazdardy tsement iletýge jáne jeke qurylys jumystaryna jekkenin aitqan.
Mekeme basshylyǵy sarbazdardan aýyr psihikalyq aýytqýlar tabylmaǵanyn jetkizdi. Olarǵa negizinen psihologiialyq kómek kórsetilýde, dári-dármekpen emdeý qoldanylmaǵan.
Barlyq jeti sarbazdyń taǵdyryn Astanadaǵy áskeri komissiia sheshpek. Al Sultan Shyntemirovtiń anasy áskeri prokýratýraǵa júginip, bólimdegi oqiǵany muqiiat tergeýdi talap etti.
