ماڭعىستاۋ وبلىسىنداعى №99116 ەسكەري بٶلٸمٸندە سۋيتسيدكە ەرەكەت جاساعان ساربازدار سانى ٷشتەن جەتٸگە دەيٸن ٶسكەنٸ بەلگٸلٸ بولدى, دەپ حابارلايدى Dalanews.kz Halyqstan-عا سٸلتەپ.
بۇعان دەيٸن پسيحياترييالىق اۋرۋحاناعا ٷش سارباز تٷستٸ دەپ حابارلانعان ەدٸ. الايدا شىن مەنٸندە ٶتكەن اپتادا بٸردەن جەتٸ ەسكەري قىزمەتشٸ سۋيتسيدتٸك مٸنەز-قۇلىق بەلگٸلەرٸمەن ەمحاناعا جەتكٸزٸلگەن. ولاردىڭ بەرٸنەن قولىنىڭ كٷرە تامىرىندا جاراقات تابىلعان.
قازٸرگٸ تاڭدا ٷشەۋٸ دەرٸگەرلەردٸڭ باقىلاۋىندا قالىپ وتىر. ال تٶرتەۋٸن اتا-انالارى الىپ كەتٸپ, ولارعا پسيحيكالىق اۋىتقۋلار تۋرالى انىقتاما رەسٸمدەگەن.
ارنايى ەمحانادا ەلٸ دە ەم الىپ جاتقان ساربازداردىڭ ٸشٸندە – الماتىدان شاقىرىلعان 18 جاستاعى سۇلتان شىنتەمٸروۆ بار. ونىڭ اناسى لاۋرا شانتەميروۆا ۇلىن نەگٸزسٸز "پسيحيكالىق اۋرۋ" دەپ تانىدى دەپ سانايدى.
"ماعان "جٷرەك پەن بٷيرەك اۋرۋىنا بايلانىستى تەكسەرٸلەدٸ" دەپ ايتقان. شىن مەنٸندە ونى پسيحياترييالىق ەمحاناعا جٸبەرگەن ەكەن", – دەيدٸ ول.
اناسىنىڭ ايتۋىنشا, سۇلتان بەس ايلىق قىزمەتٸندە ەكٸ رەت ٶزٸن ٶلتٸرۋگە تالپىنعان. بۇعان ەسكەردەگٸ ەلٸمجەتتٸك, اقشا بوپسالاۋ, جٷيەلٸ سوققىعا جىعۋ سەبەپ بولعان. سونىمەن بٸرگە ول ساربازداردى تسەمەنت يلەتۋگە جەنە جەكە قۇرىلىس جۇمىستارىنا جەككەنٸن ايتقان.
مەكەمە باسشىلىعى ساربازداردان اۋىر پسيحيكالىق اۋىتقۋلار تابىلماعانىن جەتكٸزدٸ. ولارعا نەگٸزٸنەن پسيحولوگييالىق كٶمەك كٶرسەتٸلۋدە, دەرٸ-دەرمەكپەن ەمدەۋ قولدانىلماعان.
بارلىق جەتٸ ساربازدىڭ تاعدىرىن استاناداعى ەسكەري كوميسسييا شەشپەك. ال سۇلتان شىنتەمٸروۆتٸڭ اناسى ەسكەري پروكۋراتۋراعا جٷگٸنٸپ, بٶلٸمدەگٸ وقيعانى مۇقييات تەرگەۋدٸ تالاپ ەتتٸ.
