Jumys sapary aiasynda aimaq basshysy aldymen aýdan aýmaǵynda ornalasqan tarihi jáne mádeni eskertkishter – "Kenti baba" qorymy, "Shaqpaq ata", "Sultan Úpi" jer asty meshitterine ziiarat etti.
Budan keiin oblys basshysy Mańǵystaýda týrizmdi damytý maqsatynda boi kótergen "Sartas" vizit-ortalyǵyna baryp, jumysymen tanysty.
Nurlan Noǵaev kópshilikti ortalyqtyń ashylýymen quttyqtap, aýdanda týrizmniń damýyna sáttilik tiledi.
– Týrizmniń óńir ekonomikasyn damytýda mańyzy zor. Biz osy baǵytta jumys isteitin jergilikti kásipkerlerdi qoldaýǵa árqashan daiynbyz. Qazirgi ýaqytta sheteldik týrister Mańǵystaýdyń kieli jáne tabiǵi kórikti jerlerine qyzyǵýshylyq tanytýda. Túpqaraǵan aýdanynda kóptegen tarihi oryndar bar. "Sartas" vizit-ortalyǵynyń osy aýdanǵa keletin týristerdiń aialdaityn jáne demalatyn orny retinde bolashaǵy zor, – dep atap ótti Nurlan Noǵaev.
– Bul – Mańǵystaý jerinde ashylǵan alǵashqy sapar-ortalyq. Osyndai sapar ortalyǵy arqyly jergilikti týrizm de qarqyndy damidy. Aǵymdaǵy jyly "Kazakh Tourism" ulttyq kompaniiasy" elimiz boiynsha týrizmdi damytý úshin 20 jobany júzege asyrýda. Solardyń biri "Sartas" vizit-ortalyǵynda uiymdastyrylady. Bizdiń maqsatymyz – ortalyqqa kóptegen týristerdi tartý, – dedi "Kazakh Tourism" ulttyq kompaniiasy" AQ tóraǵasy Talǵat Amanbaev.
– Búgingi tańda Mańǵystaýdyń tabiǵatyn tamashalýǵa keletin týristerdiń sany kún sanap artyp keledi. Osy kórsetkish vizit-ortalyq salýǵa sebep bolǵan. Túpqaraǵan aýdanynda tabiǵaty erekshe, kópshilikke tanymal tarihi jerler bar. Osy jerlerge de kelýshilerdiń sany da jyl saiyn artýda. Sondyqtan vizit-ortalyq atalǵan jerlerge saparlap shyqqan týristerdiń turaqtap, demalatyn ornyna ainalady. Jobanyń ereksheligi, aýdannyń tabiǵaty erekshe tarihi jáne mádeni jerleriniń ortalyǵynda ornalasqan, – dedi "Sartas" vizit-ortalyǵynyń negizin qalaýshy Erbol Baijigitov.
