Qýattylyǵy táýligine 50 myń tekshe metr bolatyn Toqmaq (Qaraqiia aýdany) jerinde teńiz sýyn tushytý zaýytyn salý Jańaózen qalasy halqynyń aýyz sýǵa degen qajettiligin tolyq qamtamasyz etýge múmkindik beredi.
Jańaózen qalasy Edil sýyn Qiǵash ózenini arqyly "Astrahan-Mańǵyshlaq" qubyrynan alyp, tutynýda.
Bul Atyraý jáne Mańǵystaý oblystaryndaǵy birqatar eldi mekenderdiń halqy úshin sýdyń jalǵyz ortalyqtandyrylǵan kózi bolyp tury. Sý tutyný kólemi halyq sanynyń ósýine jáne jańa kásiporyndardyń paida bolýyna bailanysty jyldan-jylǵa artýda.
– Prezident Qasym-Jomart Toqaev halyqty sapaly aýyz sýmen qamtamasyz etýdiń mańyzdylyǵyn atap ótip, Mańǵystaý oblysyna sapary barysynda Úkimet pen jergilikti atqarýshy organdarǵa sýmen jabdyqtaý máselesin sheshýmen ainalysýdy tapsyrdy.
Óńirde osy mindetti oryndaý úshin birneshe joba belsendi iske asyrylýda. Olardyń ishinde Toqmaq aimaǵynda sý tushytý qondyrǵysyn salý jobasyn atap ótken jón. "QazMunaiGaz" kompaniiasynyń enshiles mekemesi-"Ózenmunaigaz" ázirlegen bul jobany iske asyrý "Astrahan-Mańǵyshlaq" sý qubyrynan sý tarta otyryp, Jańaózen qalasy men basqa da eldi mekenderdiń turǵyndaryn sýmen qamtamasyz etýge múmkindik beredi.
Sonymen qatar, bul týrizmdi, kásipkerlikti jáne aýyl sharýashylyǵyn damytýǵa mýltiplikativti áser etedi. Sondai-aq halyqqa jańa jumys oryndarynyń ashylýyna yqpal bolady, – dep atap ótti Nurlan Noǵaev.
Maǵzum Myrzaǵaliev óńirdiń áleýmettik damý salasynda joba strategiialyq mańyzdy bolyp tabylatyn aitty.
– Kompaniia ornalasqan jerdegi qyzmetkerlerimizdiń jáne ondaǵy turǵyndardyń tyń áleýmettik jai-kúiin qalyptastyrý, bizdiń jumysymyzdaǵy mańyzdy basymdylyqtardyń biri. Bul Memleket Basshysynyń Jańaózen qalasynyń turǵyndary úshin aýyz sý tapshylyǵy máselesin túbegeili sheshe otyryp, sapaly ári qysqa merzimde oryndalýy tiis degen tikelei tapsyrmasy aiasynda júzege asyp jatqan joba, – dedi “QazMunaiGaz” AQ basshysy Maǵzum Myrzaǵaliev.
Sý tushytý zaýytynyń qurylysy óńir úshin júzdegen jańa jumys orynyn qalyptastyrady. Qurylys kezeńinde 240-tan astam adam, al zaýyt jumysyn bastaǵan soń 100-den astam turǵyn jumyspen qamtamasyz etiledi. Qurylys jumystaryn 2024 jyldyń sońyna deiin aiaqtap, 2025 jyldyń kókteminde zaýytty jobalyq qýatqa shyǵarý josparlanǵan.
