قۋاتتىلىعى تاۋلىگىنە 50 مىڭ تەكشە مەتر بولاتىن توقماق (قاراقيا اۋدانى) جەرىندە تەڭىز سۋىن تۇشىتۋ زاۋىتىن سالۋ جاڭاوزەن قالاسى حالقىنىڭ اۋىز سۋعا دەگەن قاجەتتىلىگىن تولىق قامتاماسىز ەتۋگە مۇمكىندىك بەرەدى.
جاڭاوزەن قالاسى ەدىل سۋىن قيعاش وزەنىنى ارقىلى "استراحان-ماڭعىشلاق" قۇبىرىنان الىپ، تۇتىنۋدا.
بۇل اتىراۋ جانە ماڭعىستاۋ وبلىستارىنداعى ءبىرقاتار ەلدى مەكەندەردىڭ حالقى ءۇشىن سۋدىڭ جالعىز ورتالىقتاندىرىلعان كوزى بولىپ تۇرى. سۋ تۇتىنۋ كولەمى حالىق سانىنىڭ وسۋىنە جانە جاڭا كاسىپورىنداردىڭ پايدا بولۋىنا بايلانىستى جىلدان-جىلعا ارتۋدا.
– پرەزيدەنت قاسىم-جومارت توقايەۆ حالىقتى ساپالى اۋىز سۋمەن قامتاماسىز ەتۋدىڭ ماڭىزدىلىعىن اتاپ ءوتىپ، ماڭعىستاۋ وبلىسىنا ساپارى بارىسىندا ۇكىمەت پەن جەرگىلىكتى اتقارۋشى ورگاندارعا سۋمەن جابدىقتاۋ ماسەلەسىن شەشۋمەن اينالىسۋدى تاپسىردى.
وڭىردە وسى مىندەتتى ورىنداۋ ءۇشىن بىرنەشە جوبا بەلسەندى ىسكە اسىرىلۋدا. ولاردىڭ ىشىندە توقماق ايماعىندا سۋ تۇشىتۋ قوندىرعىسىن سالۋ جوباسىن اتاپ وتكەن ءجون. "قازمۇنايگاز" كومپانياسىنىڭ ەنشىلەس مەكەمەسى-"وزەنمۇنايگاز" ازىرلەگەن بۇل جوبانى ىسكە اسىرۋ "استراحان-ماڭعىشلاق" سۋ قۇبىرىنان سۋ تارتا وتىرىپ، جاڭاوزەن قالاسى مەن باسقا دا ەلدى مەكەندەردىڭ تۇرعىندارىن سۋمەن قامتاماسىز ەتۋگە مۇمكىندىك بەرەدى.
سونىمەن قاتار، بۇل ءتۋريزمدى، كاسىپكەرلىكتى جانە اۋىل شارۋاشىلىعىن دامىتۋعا مۋلتيپليكاتيۆتى اسەر ەتەدى. سونداي-اق حالىققا جاڭا جۇمىس ورىندارىنىڭ اشىلۋىنا ىقپال بولادى، – دەپ اتاپ ءوتتى نۇرلان نوعايەۆ.
ماعزۇم مىرزاعالييەۆ ءوڭىردىڭ الەۋمەتتىك دامۋ سالاسىندا جوبا ستراتەگيالىق ماڭىزدى بولىپ تابىلاتىن ايتتى.
– كومپانيا ورنالاسقان جەردەگى قىزمەتكەرلەرىمىزدىڭ جانە ونداعى تۇرعىنداردىڭ تىڭ الەۋمەتتىك جاي-كۇيىن قالىپتاستىرۋ، ءبىزدىڭ جۇمىسىمىزداعى ماڭىزدى باسىمدىلىقتاردىڭ ءبىرى. بۇل مەملەكەت باسشىسىنىڭ جاڭاوزەن قالاسىنىڭ تۇرعىندارى ءۇشىن اۋىز سۋ تاپشىلىعى ماسەلەسىن تۇبەگەيلى شەشە وتىرىپ، ساپالى ءارى قىسقا مەرزىمدە ورىندالۋى ءتيىس دەگەن تىكەلەي تاپسىرماسى اياسىندا جۇزەگە اسىپ جاتقان جوبا، – دەدى “قازمۇنايگاز” اق باسشىسى ماعزۇم مىرزاعالييەۆ.
سۋ تۇشىتۋ زاۋىتىنىڭ قۇرىلىسى ءوڭىر ءۇشىن جۇزدەگەن جاڭا جۇمىس ورىنىن قالىپتاستىرادى. قۇرىلىس كەزەڭىندە 240-تان استام ادام، ال زاۋىت جۇمىسىن باستاعان سوڭ 100-دەن استام تۇرعىن جۇمىسپەن قامتاماسىز ەتىلەدى. قۇرىلىس جۇمىستارىن 2024 جىلدىڭ سوڭىنا دەيىن اياقتاپ، 2025 جىلدىڭ كوكتەمىندە زاۋىتتى جوبالىق قۋاتقا شىعارۋ جوسپارلانعان.
