Jazǵy maýsymda oryn alatyn máselelerdiń biri – turǵyndardyń sýǵa shomylý kezinde saqtyq sharalaryn durys saqtamaýy. Sonyń saldarynan jyl basynan beri Mańǵystaý oblysynda 6 adam sýǵa ketken, onyń ishinde bir jasóspirim bar.
Aimaq basshysy jaýapty tulǵalarǵa shomylý oryndarynda qutqarý quraldaryn ornatýdy jáne turǵyndardyń qaýipsizdigin qamtamasyz etýdi tapsyrdy.
Sýǵa shomylýǵa qaýipti jáne tiym salynǵan aimaqtar Aqtaý qalasynyń 4-shaǵyn aýdandaǵy «Kaspian Rivera» qonaq úiinen M. Óskinbaev atyndaǵy oblystyq filarmoniiaǵa deiin 5-shaǵyn aýdandaǵy T.G. Shevchenko eskertkishiniń túsýimen uzyndyǵy 300 metr jáne eni 20 metr bolatyn shomylýǵa tyiym salynǵan ýchaskemen belgilengen.
Biyl oblysta 7563 túlek orta bilimdi aiaqtady. Altyn belgige úmitker 180 túlektiń 174-i memlekettik emtihannyń nátijesimen óz bilimin rastady.
Biyl respýblikalyq bilim grantymen qosa Mańǵystaý oblysynyń túlekteri úshin qosymsha 6000 bilim granty, jergilikti biýdjet esebinen 175 bilim granty bólindi. Bilim basqarmasynyń basshysy Dinara Jumashevanyń aitýynsha qazirgi tańda oblysymyzda 229 pedagog jetispeidi.
– 2022-2023 oqý jylynda oblysta 1800 oryndyq 2 mektep paidalanýǵa beriledi. Ashylǵannan keiin 2 mektepke 240-tan astam pedagog qajet etiledi. Osy máselelerdi sheshýde júrgizilgen taldaýlarǵa sáikes biyl 1300-den astam oblys túlekteri pedagogikalyq mamandyqty aiaqtaidy dep kútilýde, – dedi Dinara Jumasheva.
Nurlan Noǵaev jaýapty tulǵalarǵa bilim granttaryn bólý barysyn baqylaýdy, sondai-aq mektepterdi kúrdeli jóndeý kezinde qaýipsizdik sharalaryn qamtamasyz etýdi qadaǵalaýdy tapsyrdy.
