Mańǵystaý oblysynda tolassyz jaýǵan jańbyr saldarynan birneshe eldi mekendi sý basyp, turǵyn úılerge zalal keldi. Bul týraly oblystyq tótenshe jaǵdaılar departamenti málimdedi, dep habarlaıdy Dalanews.kz.
Vedomstvo málimetinshe, 14–15 sáýir kúnderi óńirge aılyq mólsherden 3–4 ese artyq jaýyn-shashyn túsken. Sonyń saldarynan Jańaózen qalasy, Mańǵystaý jáne Qaraqıa aýdandarynda birqatar kósheni sý shaıǵan.
Al Jańaózende eki turǵyn úıdiń aýlasy men ishine sý kirgen. Budan bólek, ekpindi jeldiń áserinen Mańǵystaý jáne Beıneý aýdandarynda shamamen 20 turǵyn úıdiń shatyry búlingen.
