ماڭعىستاۋ وبلىسىندا تولاسسىز جاۋعان جاڭبىر سالدارىنان بىرنەشە ەلدى مەكەندى سۋ باسىپ، تۇرعىن ۇيلەرگە زالال كەلدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى Dalanews.kz.
ۆەدومستۆو مالىمەتىنشە، 14–15 ءساۋىر كۇندەرى وڭىرگە ايلىق مولشەردەن 3–4 ەسە ارتىق جاۋىن-شاشىن تۇسكەن. سونىڭ سالدارىنان جاڭاوزەن قالاسى، ماڭعىستاۋ جانە قاراقيا اۋداندارىندا ءبىرقاتار كوشەنى سۋ شايعان.
ال جاڭاوزەندە ەكى تۇرعىن ءۇيدىڭ اۋلاسى مەن ىشىنە سۋ كىرگەن. بۇدان بولەك، ەكپىندى جەلدىڭ اسەرىنەن ماڭعىستاۋ جانە بەينەۋ اۋداندارىندا شامامەن 20 تۇرعىن ءۇيدىڭ شاتىرى بۇلىنگەن.
