Mańǵystaýda densaýlyq saqtaý salasyndaǵy milliondaǵan biýdjet qarajatyn jymqyrý shemasy anyqtaldy, dep habarlaidy Dalanews.kz.
Óńirde jalǵan meditsinalyq qyzmetter kórsetý, densaýlyq saqtaý sýbektileriniń biliktilik talaptaryna sáikes kelmeý jaǵdailary, sondai-aq sybailas jemqorlyq quqyq buzýshylyqtar anyqtaldy.
Atap aitqanda, uiymdardyń birin tekserý barysynda 600 mln teńgeden astam biýdjet qarajatyn jymqyrý anyqtaldy.
Alýshylardyń banktik derektemelerin aýystyrý arqyly qarajattar zańsyz alynyp, affilirlengen shottarǵa aýdarylǵan.
Sondai-aq kórsetilmegen qyzmetter, jetkizilmegen dári-dármekter men meditsinalyq buiymdar úshin aqy tóleý faktileri anyqtaldy.
Atalǵan mán-jailar boiynsha oblys prokýratýrasy sotqa deiingi tergep-tekserýdi bastady, olardy arnaiy prokýrorlar júrgizýde.
