Balalar ish aýrýy men dene qyzýyna shaǵymdanyp, dárigerdiń kómegine júgingen, dep habarlaidy Dalanews.kz.
Mańǵystaý oblystyq densaýlyq saqtaý basqarmasy baspasóz qyzmetiniń habarlaýynsha, Munaily aýdanynda tamaqtan ýlanǵan balalar baqylaýǵa alyndy.
"Munaily aýdanynda №8 mekteptiń 21 oqýshysy 6 qyrkúiek kúni keshki mezgilden bastap jedel járdem shaqyryp bastaǵan. Shaǵymdary: ish aýrýy, dene qyzýynyń kóterilýi. Búgingi kúni, saǵat 13:15-tegi jaǵdai boiynsha 58 bala meditsinalyq kómekke júgindi. 26 bala emhanada em qabyldap jatyr, 27 bala úi jaǵdaiynda baqylaýda, 5 bala aýrýhanaǵa jatqyzyldy", - deidi oblystyq densaýlyq saqtaý basqarmasynyń baspasóz hatshysy Móldir Ádil.
Jaǵdaidyń neden bolǵanyn anyqtaý maqsatynda Mańǵystaý oblysynyń sanitariialyq – epidemiologiialyq baqylaý departamentine habarlama berilgen.
