Onyń aıtýynsha, óńirde 16 egý pýnktinde 7 kabınet jumys istep tur.
– «Spýtnık-V» vaksınasynyń birinshi komponentiniń 4500 dozasy jáne «Spýtnık-V» vaksınasynyń 2 komponentiniń 3500 dozasy – 18 gradýsta barlyq saqtyq rejımderin saqtaı otyryp, oblysqa jetkizildi, – dedi Ǵazız Nadýev.
Búgingi tańda Mańǵystaý oblysynda vaksınasıalanǵan adamdardyń sany 1905 adamdy quraıdy.
– Búgingi tańda koronavırýstyq ınfeksıaǵa qarsy 1 komponentpen 1905 adam, 2 komponentpen 530 adam vaksınasıalandy. Atap aıtqanda, №1 Aqtaý qalalyq emhanasynda (1 komp. –125 adam), №2 Aqtaý qalalyq emhanasynda (1 komp. – 630; 2 komp. – 325 adam), "Neıron" medısınalyq ortalyǵy (1 komp. – 560; 2 komp. – 205 adam), Túpqaraǵan aýdanynyń ortalyq aýrýhanasynda (1 komp. – 95 adam), Mańǵystaý aýdandyq ortalyq aýrýhanasynda (1 komp. – 25 adam), Beıneý aýdandyq aýrýhanasyna (1 komp. – 55 adam), Munaıly aýdandyq aýrýhanasynda (1 komp. – 135 adam). Aıta ketý kerek, Qazaqstanda vaksınasıadan bas tartqany úshin ákimshilik nemese qylmystyq jaýapkershilik qarastyrylmaǵan, – dedi Mańǵystaý oblysy sanıtarlyq-epıdemıologıalyq baqylaý departamentiniń basshysy Ǵazız Nadýev.
Ǵazız Nadýevtiń aıtýynsha, ımmýndaýdan keıingi asqynýlar men reaksıalar tirkelgen joq. 2021 jyldyń 2 toqsanynan bastap otandyq «QazCovid-In» preparatymen vaksınasıalaý josparlanǵan.
