ونىڭ ايتۋىنشا، وڭىردە 16 ەگۋ پۋنكتىندە 7 كابينەت جۇمىس ىستەپ تۇر.
– «سپۋتنيك-V» ۆاكسيناسىنىڭ ءبىرىنشى كومپونەنتىنىڭ 4500 دوزاسى جانە «سپۋتنيك-V» ۆاكسيناسىنىڭ 2 كومپونەنتىنىڭ 3500 دوزاسى – 18 گرادۋستا بارلىق ساقتىق رەجيمدەرىن ساقتاي وتىرىپ، وبلىسقا جەتكىزىلدى، – دەدى عازيز نادۋيەۆ.
بۇگىنگى تاڭدا ماڭعىستاۋ وبلىسىندا ۆاكسيناسيالانعان ادامداردىڭ سانى 1905 ادامدى قۇرايدى.
– بۇگىنگى تاڭدا كوروناۆيرۋستىق ينفەكسياعا قارسى 1 كومپونەنتپەن 1905 ادام، 2 كومپونەنتپەن 530 ادام ۆاكسيناسيالاندى. اتاپ ايتقاندا، №1 اقتاۋ قالالىق ەمحاناسىندا (1 كومپ. –125 ادام)، №2 اقتاۋ قالالىق ەمحاناسىندا (1 كومپ. – 630؛ 2 كومپ. – 325 ادام)، "نەيرون" مەديسينالىق ورتالىعى (1 كومپ. – 560؛ 2 كومپ. – 205 ادام)، ءتۇپقاراعان اۋدانىنىڭ ورتالىق اۋرۋحاناسىندا (1 كومپ. – 95 ادام)، ماڭعىستاۋ اۋداندىق ورتالىق اۋرۋحاناسىندا (1 كومپ. – 25 ادام)، بەينەۋ اۋداندىق اۋرۋحاناسىنا (1 كومپ. – 55 ادام)، مۇنايلى اۋداندىق اۋرۋحاناسىندا (1 كومپ. – 135 ادام). ايتا كەتۋ كەرەك، قازاقستاندا ۆاكسيناسيادان باس تارتقانى ءۇشىن اكىمشىلىك نەمەسە قىلمىستىق جاۋاپكەرشىلىك قاراستىرىلماعان، – دەدى ماڭعىستاۋ وبلىسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى عازيز نادۋيەۆ.
عازيز نادۋيەۆتىڭ ايتۋىنشا، يممۋنداۋدان كەيىنگى اسقىنۋلار مەن رەاكسيالار تىركەلگەن جوق. 2021 جىلدىڭ 2 توقسانىنان باستاپ وتاندىق «QazCovid-In» پرەپاراتىمەن ۆاكسيناسيالاۋ جوسپارلانعان.
