Ádep jónindegi ýákil degenimiz kim? Ol qandai fýnktsiialardy júzege asyrady? Osy máselelerge qysqasha toqtalaiyn.
Ádep jónindegi ýákil – qyzmettik ádep normalarynyń saqtalýyn jáne memlekettik qyzmet, sybailas jemqorlyqqa qarsy is-qimyl týraly zańnama men Qazaqstan Respýblikasy memlekettik qyzmetshileriniń ádep kodeksin buzýshylyqtardyń profilaktikasyn qamtamasyz etý qyzmetin júzege asyratyn, sondai-aq óz fýnktsiialary sheginde memlekettik qyzmetshiler men azamattarǵa keńes (konsýltatsiia) beretin memlekettik qyzmetshi.
Ádep jónindegi ýákildiń fýnktsiialary basshylyq qyzmet atqaratyn, sondai-aq ujymda qadirli jáne qurmetke ie bolǵan memlekettik qyzmetshige júkteledi.
Erejeniń talaptaryna sáikes, ýákildiń derbes laýazymy bolady nemese onyń fýnktsiialary memlekettik organdardyń qyzmetshilerine júkteledi.
Men qyzmet jasaityn Qazaqstan Respýblikasy Memlekettik qyzmet isteri agenttiginiń Mańǵystaý oblysy boiynsha departamentinde ádep jónindegi ýákildiń fýnktsiialary 19 qazan 2018 jyly ózime júktelgen bolatyn.
Kórsetilgen merzim ishinde memlekettik qyzmetshilerge, jeke jáne zańdy tulǵalarǵa barlyǵy 128 konsýltatsiialyq keńester berildi (111-i memlekettik qyzmetshiler, 17-i jeke nemese zańdy tulǵalar).
Jeke qabyldaýlarda 134 tulǵa ózderiniń suraqtarymen kelgen, olarǵa zań júzinde túsindirmeler berildi.
Buqaralyq aqparat quraldarynda aýmaqtyq departamenttiń qyzmetine qatysty 400-den astam jaǵymdy maqala jariialandy.
Ózimniń quzyryma kiretin negizgi zańnamalardy jáne ádep normalaryn túsindirý baǵytynda 312 shara ótkizildi. Negizgi sharalarǵa seminarlar, lektsiialar, beinerolikter daiyndaý, gazetterde jáne internet saittarda maqala jariialaý, teledidar, radioda sóz sóileý jáne t.b. kiredi.
Ádep jónindegi ýákil retinde engizgen usynystarym negizinde 39 memlekettik qyzmetshi laýazymdyq mindetterin úlgili oryndaǵany jáne jumystaǵy basqa da jetistikteri úshin ár túrli deńgeide kótermelengen (syiaqy berý, alǵys hattar, gramotalarmen marapattaý). Olardyń arasynda tek aýmaqtyq depatamenttiń ǵana emes, basqa da memlekettik organdardyń qyzmetshileri bar.
Budan basqa, departamenttegi moraldyq-psihologiialyq ahýaldy baqylap otyrý úshin 6 aida kemine 1 ret anonimdik saýalnama júrgizilip otyrady. Aita ketý kerek, sońǵy 2-3 jylda bul baǵyttaǵy jaǵdai birqalypty jáne qyzmetshilerdiń bergen baǵasyna sáikes ahýal qolaily (jaǵymdy) dep baǵalanyp keledi.
Memlekettik organdaǵy ishki ahýal durys bolmasa, bul sol organnyń jumysyna, alǵa qarai damýyna, aldyna qoiylǵan mindetterge qol jetkizýine jáne basqa da kórsetkishterge keri áserin tigizeri sózsiz.
Al ondai jaǵymdy ahýalǵa qalai qol jetkizýge bolady? Álde ol ózinen-ózi qalyptasatyn jaǵdai ma?
Árine, jaǵymdy moraldyq-psihologiialyq ahýal ózinen-ózi qalyptasýy múmkin emes. Kelesi jasalǵan jumystar osy suraqtarǵa naqty jaýap bere alady.
Departament qyzmetshileri arasynda korporativtik mádenietti qalyptastyrý jáne personaldy damytý baǵytynda sharalar keshendi túrde uiymdastyrylyp keledi. Mysaly, joǵaryda atalǵan kezeńde 80-nen astam ár-túrli sharalar ótkizildi. Olardyń qatarynda, sporttyq jarystarǵa qatysý, óner, mádeniet jáne qoǵamǵa belgili tulǵalarmen kezdesý, qaiyrymdylyq sharalaryn ótkizý, teatr, keshterge ujymmen barý, merekelik sharalar uiymdastyrý, mýzei, tarihi oryndarmen tanysý jáne t.b. bar.
Tek departament emes, oblys kóleminde memlekettik organdardyń qyzmetshilerin sportqa keńinen baýlý baǵytynda birqatar jumystar atqaryldy.
Mysaly, Memlekettik mekemeler qyzmetkerleriniń arasynda shaǵyn fýtboldan «Memlekettik kúzgi Liga» jarysy sońǵy 3 jyl qatarynan uiymdastyrylyp, memlekettik qyzmetshiler tarapynan úlken qoldaý tapty.
Budan bólek, kásibi memlekettik qyzmetshi kúni merekesi qarsańynda sporttyń birneshe túrinen jyl saiyn memlekettik qyzmetshiler arasynda Spartakiada oiyndaryn ótkizý dástúrge ainalǵan.
Osyndai jarystardy uiymdastyryp qana qoimai, oǵan ózimniń belsene qatysýym, osylaisha departament qyzmetshilerin sporttyq sharalarǵa keńinen tartýdyń nátijesinde aýmaqtyq departament sońǵy Spartakiada oiyndarynda oblystyq deńgeide komandalyq birinshi oryndy ielendi.
Buǵan qosa, 2019 jyly oblys kóleminde voleibol oinynan qurama komanda jasaqtap, Pavlodar oblysynda ótken memlekettik ákimshilik qyzmetshiler (erler) arasyndaǵy respýblikalyq týrnirge qatysyp qaittyq. Atalǵan jarysqa qatysyp top jarmasaq ta tájiribe jinaqtadyq, sonymen birge, osyndai respýblika kóleminde ótkiziletin jarystardy ózimizdiń oblysymyzda da ótkizsek degen oi túidik. Sporttyq sharalardy ótkizý barysynda Aqtaý qalalyq jáne oblystyq dene shynyqtyrý jáne sport bólimi men basqarmasynyń qosqan úlesi orasan.
Aita ketý kerek, sońǵy eki jylda aýmaqtyq departament qyzmetshileri tarapynan etika normalaryn buzý, olardy tártiptik jazaǵa tartý nemese jeke jáne zańdy tulǵalar tarapynan qandai da bir shaǵymdar tirkelmedi.
Kez-kelgen sapaly ári júieli atqarylǵan jumystar óziniń oń nátijesin bermei qoimasy anyq. Atqarylǵan jumystar munymen shektelmeidi.
Kelesi mańyzdy másele, Ádep jónindegi ýákilderge basshylar tarapynan árdaiym qoldaý kórsetilip otyrýy qajet. Olai bolmaǵan jaǵdaida, men aityp otyrǵandai oń nátijelerge qol jetkizý qiyndai túsedi. Aýmaqtyq departamentke keler bolsam, basshylyq tarapynan tek qoldaý ǵana emes, kez-kelgen sharaǵa ózderi tikelei aralasyp, ujymmen árdaiym birge ekenderin dáleldep keledi.
Joǵary turǵan Agenttik Tóraǵasy Anar Nuralyqyzynyń da kóptegen «Igi ister ýaqyty» atty sharalardyń bastamasy bolyp júrgenin maqtanyshpen aita alamyz. Ondai igi isterdi óńirlerde de jalǵastyrýdamyz.
Aǵymdaǵy jyldyń basynan beri jaǵdaiy tómen birneshe otbasyna qajetti azyq-túlikpen kómek kórsetildi. Mundai sharalar tek bir rettik emes, júieli túrde qolǵa alynyp keledi jáne aldaǵy ýaqytta da óz jalǵasyn tabatyn bolady.
Ózimniń memlekettik qyzmettegi 20 jyldan astam tájiribemmen qyzmetshilermen bólisýden jalyqqan emespin. Memlekettik qyzmetshilerdiń ádeptiligi taqyrybynda Qazaqstan Respýblikasy Memlekettik basqarý akademiiasynyń oblystyq filialynda dárister oqyp turamyn.
Basqa memlekettik organdardaǵy Ádep jónindegi ýákildermen jumys barysynda kezdesip, olardyń jumysyn úilestirý jáne uiymdastyrý baǵytynda konsýltatsiialyq kómekter kórsetilip, usynystar berilip keledi.
Osy jerde aita ketý kerek, sońǵy 2020 jylǵy «Qoǵamdyq pikir» zertteý institýtymen júrgizilgen Memlekettik qyzmetshilerdiń ádeptilik deńgeiin aiqyndaý týraly áleýmettik saýalnama nátijeleri boiynsha eń joǵary ortasha baǵany Qostanai (9,08), Jambyl (8,05) jáne Mańǵystaý oblysy (7,96) ákimdikteri alyp otyr. Iaǵni, Mańǵystaý oblysy alǵashqy úshtiktiń qatarynda.
Bul da, joǵaryda atalyp otyrǵan keshendi jumystardyń nátijesi dep sanaimyz.
Árine, áli de bolsa memlekettik qyzmetshiler tarapynan ádeptilikti saqtaý, onyń deńgeiin kóterý baǵytynda kóńil bólinýge jatatyn biraz máseleler bar.
Sonyń ishinde, Ádep jónindegi ýákilderdiń (ásirese jergilikti atqarýshy organdardaǵy) óz aldyna derbestigin qamtamasyz etýdi usynar edim. Sebebi, ýákilder memlekettik organnyń basshylyǵyna táýeldi bolýyna bailanysty, keibir oryn alǵan ádep normalaryn buzý derekterin obektivti túrde qarai almaýy múmkin. Bul jóninde biraz usynystarymdy Agenttikke joldaǵan bolatynmyn, olar qaralý ústinde.
Alda da atqarylar jumystar az emes. Endeshe "bir jeńnen qol, bir jaǵadan bas shyǵaryp" alǵa qoiǵan maqsatymyzǵa birge jetelik. Qalai alyp qarasaq ta qyzmet te, abyroi da ortaq. "Jumyla kótergen júk jeńil" demekshi, kez-kelgen qiyndyqty birge eńserýge bolady.
Olai bolsa, óńirimizdegi Ádep jónindegi ýákilderge osy baǵyttaǵy jumystardy odan ári jańa qarqynmen jalǵastyrýǵa shaqyra otyryp, jumystaryńyzǵa sáttilik tilegim keledi. Árbir kúnimiz jarqyn sátterge toly bolsyn, qadirli áriptester!
Erlegen Mendaliev, Mańǵystaý oblysy boiynsha departamenti basshysynyń orynbasary, Ádep jónindegi keńes hatshylyǵynyń meńgerýshisi, ádep jónindegi ýákil.
Aqparat úshin: Aýmaqtyq departamenttiń ádep jónindegi ýákilimen 8/7292/30-30-05 jumys telefony, ye.mendaliyev@kyzmet.gov.kz elektrondyq poshtasy arqyly habarlasýǵa múmkindik bar nemese Aqtaý qalasy, 31a sh/a, 5-ǵimarattyń sol jaq qanaty 2-shi qabatyndaǵy keńsege kelip ótinish bildirýge bolady.
