26 aqpanda Mańǵystaý oblysynyń ákimi Nurdáýlet Qilybai oblystyq Qoǵamdyq keńes aldynda esep berdi. Ol óńirdiń áleýmettik-ekonomikalyq damýynyń basym baǵyttaryna toqtalyp, 2024 jyly atqarylǵan jumystar men 2025 jylǵa arnalǵan mindetteri týraly baiandama jasady,- dep habarlaidy Dalanews.kz
Oblys damýynyń negizgi baǵyttary - óńdeý ónerkásibi, týrizm, shaǵyn jáne orta biznes, kólik jáne logistika, sondai-aq agroónerkásip salalary. Atalǵan baǵyttardyń turaqty damýyna tyń serpin berý úshin óńirge sońǵy bes jylda 4 trln.teńgege jýyq investitsiia tartyldy.
Oblys ákimi óńirde kezek kúttirmeitin máselelerdiń biri - injenerlik jelilerdi qaita qurylymdaý baǵytynda atqarlyp jatqan jumystarǵa toqtaldy.
Turǵyndardy sapaly kommýnaldyq qyzmetpen qamtamasyz etý maqsatynda 2026 jylǵa deiin 919 shaqyrym injenerlik jelilerge jańǵyrtý jumystaryn júrgizý josparlandy.
Búgingi kúni qalanyń tómengi 6 shaǵyn aýdanynda 60 shaqyrym sý qubyry men káriz jelilerin jańǵyrtý jumystary 95%-ǵa aiaqtaldy. Nátijesinde jelilerdiń tozý deńgeii 82%-dan 73%-ǵa deiin azaiady. Óńirimizde óndiriletin elektr energiiasynyń qýatyn arttyrý maqsatynda 2025-2027 jyldary «MAEK» JShS, Qaraqiia, Mańǵystaý aýdany men Jańaózen qalasynda 4 jobany iske asyrý josparlanyp otyr.
Oblysymyzda kúrdeli suraqtardyń biri -aýyz sý máselesi. Qazirgi tańda, aýyz sýmen qamtý táýligine ortasha eseppen - 173 000 m3, al aýyz sý tapshylyǵy táýligine 54 000 m3-ty qurap otyr. Máseleni kezeń-kezeńimen sheshý úshin sý tushytý qýaty 140,5 myń tekshe metrdi quraityn 10 jobany júzege asyrý josparlandy.
Óńirdegi taǵy bir kúrdeli másele - áleýmettik osal topqa jatatyn azamattardy turǵyn úimen qamtý sheshimin tabýda.
"Qazirgi tańda, oblysta 25 myńnan astam adam turǵyn úi kezeginde tur, onyń ishinde 9 myńnan astamy halyqtyń áleýmettik osal toptary sanatyna jatady.2024 jyly atalǵan azamattardy turǵyn úimen qamtamasyz etý maqsatynda jalpy aýdany 66,1 myń sharshy metrdi quraityn 941 páter satyp alyndy. Bul sharalar kezekte turǵan osal toptaǵy azamtattar sanyn 10%-ǵa azaitýǵa múmkindik berdi. Bul jumystar aldaǵy ýaqytta jalǵasyn tabatyn bolady", -dedi Nurdáýlet Qilybai.
Memleket basshysy óz Joldaýynda «Kendirli» kýrorttyq aimaǵynyń potentsialyn odan ári damytý,Baký men Dýbai qalalarynyń tájiribesin qoldana otyryp jaǵajaidy damytý qajet ekenin atap ótti. Osyǵan bailanysty Aqtaý qalasynyń bas josparyna ózgeris engizildi.
"Josparǵa sai Aqtaý qalasynda 10 myń oryndyq stadion, teńiz vokzaly, «Áýendi dombyra» sáýlet qurylysy men jańa jaǵajai syndy nysandar boi kóteretin bolady.
Al, Kendirli kýrorttyq aimaǵynyń damýyna oń serpin berý úshin dástúrli jaǵajai jáne ekotýrizmmen qatar, oiyn-saýyq týrizmi baǵytyn damytýdy qarastyrýdamyz.
Osy baǵytta Mańǵystaý oblysynyń týristik aimaǵyn damytýdyń 2025 – 2029 jyldarǵa arnalǵan keshendi josparynyń jobasy jasaqtalyp, qazirgi tańda ortalyq memlekettik organdarǵa kelisýge joldandy", - dedi Nurdáýlet Qilybai.
Jiyn sońynda Qoǵamdyq keńes músheleri Mańǵystaýdyń kórikti jerlerine týristik nysandar salý, ekologiialyq máselelerdi sheshý, mektep formasyn tigetin kásiporyn ashý, óńirge meditsina mamandaryn tartý syndy birqatar ótinishterin jetkizdi.
