Polkovnik Murat Muhanov Mańǵystaý oblysy Tótenshe jaǵdailar departamentiniń bastyǵy bolyp taǵaiyndaldy, dep habarlaidy Dalanews.kz.
Tótenshe jaǵdailar ministrliginiń baspasóz qyzmeti habarlaǵandai, Murat Muhanov 1985 jyly Mańǵystaý oblysynyń Jańaózen qalasynda dúniege kelgen.
2006 jyly Qazaqstan Respýblikasy Tótenshe jaǵdailar ministrliginiń Kókshetaý tehnikalyq institýtyn bitirgen. 2020 jyly Resei Federatsiiasy Azamattyq qorǵanys, tótenshe jaǵdailar jáne apattardyń saldaryn joiý ministrligi Memlekettik órtke qarsy qyzmetiniń Sankt-Peterbýrg ýniversitetin bitirgen.
Eńbek jolyn Mańǵystaý oblysy Tótenshe jaǵdailar salasyndaǵy memlekettik baqylaý jáne qadaǵalaý basqarmasynyń normativtik-tehnikalyq bóliminde injener bolyp bastaǵan.
