Mańǵystaý oblysy Quryq aýylyndaǵy mektep-gimnaziianyń akt zalynda mektep tóbesiniń opyrylyp túsýine bailanysty qylmystyq is qozǵaldy. Bul týraly óńir ákimdiginiń baspasóz qyzmeti málimdedi, dep habarlaidy Dalanews.kz.
"Atalǵan fakti boiynsha QR Qylmystyq kodeksiniń 278-baby, 2-bóligi "Ǵimarattardy, qurylystardy nemese olardyń jekelegen bólikterin paidalanýǵa berý kezinde qaýipsizdik talaptaryn buzý" boiynsha sotqa deiingi tergep-tekserý bastaldy", — delingen habarlamada.
Oqiǵa ornyna mamandar jiberilip, qazirgi ýaqytta tehnikalyq saraptamalar men tiisti tekserýler júrgizilýde. Ákimdik málimetinshe, mektep aýmaǵyna bógde adamdardyń kirýine ýaqytsha tyiym salynǵan.
"Aldaǵy jóndeý jumystary men naqty sheshimder týraly aqparat resmi túrde qosymsha habarlanady", — dep naqtylady ákimdik.
Eske salaiyq, oqiǵa 23 shilde kúni tańǵy saǵat 6:30 shamasynda bolǵan. Abyroi bolǵanda, zardap shekkender joq.
