ماڭعىستاۋ وبلىسى قۇرىق اۋىلىنداعى مەكتەپ-گيمنازييانىڭ اكت زالىندا مەكتەپ تٶبەسٸنٸڭ وپىرىلىپ تٷسۋٸنە بايلانىستى قىلمىستىق ٸس قوزعالدى. بۇل تۋرالى ٶڭٸر ەكٸمدٸگٸنٸڭ باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
"اتالعان فاكتٸ بويىنشا قر قىلمىستىق كودەكسٸنٸڭ 278-بابى, 2-بٶلٸگٸ "عيماراتتاردى, قۇرىلىستاردى نەمەسە ولاردىڭ جەكەلەگەن بٶلٸكتەرٸن پايدالانۋعا بەرۋ كەزٸندە قاۋٸپسٸزدٸك تالاپتارىن بۇزۋ" بويىنشا سوتقا دەيٸنگٸ تەرگەپ-تەكسەرۋ باستالدى", — دەلٸنگەن حابارلامادا.
وقيعا ورنىنا ماماندار جٸبەرٸلٸپ, قازٸرگٸ ۋاقىتتا تەحنيكالىق ساراپتامالار مەن تيٸستٸ تەكسەرۋلەر جٷرگٸزٸلۋدە. ەكٸمدٸك مەلٸمەتٸنشە, مەكتەپ اۋماعىنا بٶگدە ادامداردىڭ كٸرۋٸنە ۋاقىتشا تىيىم سالىنعان.
"الداعى جٶندەۋ جۇمىستارى مەن ناقتى شەشٸمدەر تۋرالى اقپارات رەسمي تٷردە قوسىمشا حابارلانادى", — دەپ ناقتىلادى ەكٸمدٸك.
ەسكە سالايىق, وقيعا 23 شٸلدە كٷنٸ تاڭعى ساعات 6:30 شاماسىندا بولعان. ابىروي بولعاندا, زارداپ شەككەندەر جوق.
