Nekege turǵan erli-zaiyptylar úshin 20 qarasha esten ketpes erekshe kún. Olar osy kúni shańyraq kóterýmen qatar, otbasy retinde birge daýys berdi.
Shańyraq kótergen Salamat Jamanbai men Dinara Qyrym osy kúnge sáikes kelgen prezidenttik sailaý kúnin eleýsiz qaldyrǵan joq. Resmi túrde Neke saraiyndaǵy rásimnen soń №253 sailaý ýchaskesine asyqqandaryn aitady. Sailaýda olardy kópshilik erekshe qurmetpen qarsy aldy.
Daýys berýden keiin jas otbasynyń otaǵasy óziniń durys tańdaý jasaǵany týraly pikir bildirdi.
– Prezident sailaýy – bul ár adam úshin ómirdegi mańyzdy kún. Bul kúni árkim óziniń azamattyq tańdaýyn jasaidy. Birinshi kezekte, elimizdiń árbir azamaty ózi tańdaǵan úmitkerge daýys berdi. Bir elimizdiń patrioty retinde bul kúndi nazardan tys qaldyrǵan joqpyz, – dedi Salamat Jamanbai.
– Bizdiń nekege turǵan kúnimiz Prezident sailaýymen tuspa-tus keldi. Biz jas otbasy retinde ózimizdiń sailaý ýcheskemizge kelip tańdaý jasaýdy durys dep sheshtik. Ózimizdiń qalaýymyzǵa qarai durys tańdaý jasadyq dep sanaimyn, – dedi Dinara Qyrym.
Jas jubailar sailaý ýchaskesiniń músheleri men sondaǵy jinalǵandardy keshke ótetin úilený toilaryna shaqyrdy.
№253 sailaý ýchaskesiniń tóraǵasy Berdi Qazievtiń sózinshe, atalǵan nysanǵa daýys berý úshin 2 614 adam tirkelgen. Olardyń arasynda 22 azamat alǵash ret daýys berýge qatysqan. Sonymen birge, 47 adamnyń jasy jetpisten asqan. Al múmkindigi shekteýli úsh adam daýys berýge úiinde otyryp qatysty.
