Búgin Mańǵystaý oblysynyń ákimi Nurdáýlet Qilybai Qaraqiia aýdanyna jumys saparymen baryp, Jetibai jáne Munaishy aýyldaryndaǵy áleýmettik jáne infraqurylymdyq jobalardyń júzege asyrylý barysymen tanysty, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap.
Óńir basshysy aldymen Munaishy aýylynda salynyp jatqan «Sarqylmas Qýat» jel elektr stantsiiasyn kórdi. Qýaty 50 MVt bolatyn bul stantsiia 2025 jyldyń aqpan aiynda iske qosylmaq. 45,5 gektar aýmaqty qamtityn jobada 6,25 MVt qýat beretin 8 jel generatory ornatylǵan. Kompaniianyń qurylys jónindegi direktory Erkinjan Alahýnovtyń aitýynsha, jobanyń jalpy quny – 13,474 milliard teńge, onyń 30% kompaniianyń jeke qarajaty, 70% qaryz qarajat. Qurylys kezinde 120 adam, al paidalaný kezeńinde 15 adam turaqty jumyspen qamtylmaq.
Osydan keiin aimaq basshysy Munaishy aýylyndaǵy Temirjolshy shaǵyn aýdanyndaǵy tozyǵy jetken kópqabatty turǵyn úilerdiń búgingi jaǵdaiyn kórdi. 9 úide barlyǵy 99 páter bar, onyń 38-i bos tur. Tehnikalyq saraptama nátijesinde úiler apatty dep tanyldy. Oblys ákimi turǵyndardyń qaýipsizdigin qamtamasyz etý maqsatynda tezdetip jańa úiler salý qajettigin tapsyrdy.
Ári qarai Nurdáýlet Qilybai Jetibai aýylynda «Edil sýyn tazartý stantsiiasyn qaita qurylymdaý» jobasynyń iske asyrylý barysyn tekserdi. 2025 jyly qurylysy bastalatyn jobada 2 shaqyrym sý qubyry salynyp, saǵatyna 260-300 tekshe metr sý aidaityn jańa modýldik stantsiialar ornatylady. Bul qondyrǵylar Edil sýyn tazartyp, qajetti mineraldar qosyp, halyqqa taza sý usynýǵa múmkindik beredi.
Sonymen qatar, oblys ákimi Jetibai aýyldyq aýrýhanasyndaǵy kúrdeli jóndeý jumystarymen tanysty. 2007 jyly paidalanýǵa berilgen úsh qabatty ǵimarattyń ishki jóndeý jumystarynyń 75%, syrtqy jumystarynyń 30% aiaqtalǵan. Jóndeý barysynda aýrýhanaǵa lift ornatylyp, zamanaýi talaptarǵa sai jaǵdai jasalmaq. Nysandy tolyqtai aiaqtaý 2025 jylǵa josparlanyp otyr.
Budan keiin aimaq basshysy Munaishy aýylyndaǵy sport kesheniniń qurylysyna bardy. Kásipkerdiń jeke qarajaty esebinen salynǵan bul angar tipti sport zaly kópfýnktsionaldy nysan retinde jobalanǵan. 24h62 metr aýmaqty qamtityn keshen barlyq sport túrlerine beiimdelgen. Munda kiim aýystyratyn bólme, dýsh, zamanaýi jabdyqtalǵan jattyǵý zaly jáne jattyqtyrýshylar bólmesi qarastyrylǵan. Jobanyń 80%-y aiaqtalyp, jyl sońyna deiin paidalanýǵa beriledi dep kútilýde.
Mańǵystaý oblysy ákimi Nurdáýlet Qilybai qurylys jáne jóndeý jumystarynyń sapaly ári ýaqytyly oryndalýyn qadaǵalaý qajettigin atap ótip, tiisti basshylarǵa naqty tapsyrmalar berdi.
Nurdáýlet Qilybai Qaraqiia aýdanyna barǵan jumys sapary aiasynda Munaishy, Jetibai aýyldarynyń aǵa býyn ókilderimen kezdesip, pikir almasty. Jiyn barysynda aimaq basshysy Nurdáýlet Qilybai óńirdiń qoǵamdyq-áleýmettik ómirinde aqsaqaldardyń róli erekshe ekenin atap ótti. Sonymen qatar, oblys ákimi óńirdegi atqarylyp jatqan jumystar týraly aqparat berip, ekonomikany damytýǵa baǵyttalǵan josparlarymen bólisti.
Ashyq áńgime barysynda aǵa býyn ókilderi oblys ákimine urpaq tárbiesi, búgingi zamandaǵy ata anyń róli, ǵylym men bilim, sport salasyn damytý, jastardy jumyspen qamtý, dáriger jetispeýshiligi syndy oilaryn ortaǵa saldy.
– Aýylymyzda halyqqa eń qajetti toq, gaz, mektep, emhana barlyǵy bar. Jaǵdaiymyz jaman emes. Degenmen, ár qoǵamda jetistik pen kemshilik qatar júredi. Aýylda dáriger jetispeýshiligi, jaz mezgilinde egin sýaratyn sý tapshylyǵy baiqalady. Bul máselelerdi qaperińizge alyp, aldaǵy ýaqytta sheshimin tabady dep oilaimyz. Búgin úlkenderdiń aqyl-keńesin tyńdap, oilarymen sanasyp, aqyldasa kelgenińizge dán rizamyz. Mańǵystaýdy damytýǵa bar kúsh-jigerińizdi salatynyńyzǵa mol senim bildiremiz, – dedi aýdannyń qurmetti azamaty Músir Baiesenov aqsaqal. Kezdesý sońynda aýyl aqsaqaldary oblys ákimine tabys tilep, aldaǵy isine sáttilik tiledi.
