Áleýmettik meditsinalyq saqtandyrý qory 2026 jyldyń alǵashqy jartyjyldyǵynda qarjylyq zańbuzýshylyqtarǵa qatysty 72 materialdy quqyq qorǵaý organdaryna joldaǵan. Qarjylyq zańbuzýshylyqtardyń jalpy somasy - 4,5 mlrd teńge, dep habarlaidy dalanews.kz.
Qor málimetinshe, anyqtalǵan shyǵyn kólemi - 3,7 mlrd teńge, 27 qylmystyq is tirkelgen.
Salystyrmaly túrde alǵanda, 2025 jyly quqyq qorǵaý organdaryna jalpy somasy 630 mln teńgege qatysty 73 material joldanyp, segiz qylmystyq is qozǵalǵan.
Prezident Qasym-Jomart Toqaevtyń MÁMS júiesindegi iri kólemdegi qarjy jymqyrý deregi týraly málimdemesinen keiin baqylaý qolǵa alynǵan edi.
Aita keteik, qazir qor Qarjy ministrliginiń qaraýyna ótken. Sonymen qatar, qarajat ainalymyn baqylap, negizsiz tólemderdiń aldyn alýǵa múmkindik beretin Qalqan tsifrlyq júiesi engizilip jatyr.
