Qazaqstannyń joǵary aýditorlyq palatasynyń múshesi Nurlan Nurjanov Májiliste 2024 jylǵy tekserý qorytyndysy boiynsha Mindetti áleýmettik meditsinalyq saqtandyrý qorynda (MÁMS) jáne onyń filialdarynda tabylǵan buzýshylyqtar týraly aityp berdi, dep jazady Dalanews.kz.
Tegin jáne aqyly qyzmettegi sáikessizdikter
Búgin, 27 qańtarda Májiliste ótken Úkimet saǵatynda sóz sóilegen Nurlan Nurjanov atap ótkendei, 2024 jyly júrgizilgen aýdit barysynda biryńǵai tólem júiesindegi "aqyly qyzmetter" jáne "MÁMS (OSMS) pen TMKKK (GOBMP) esebinen tólenetin qyzmetter" sanattary salystyrylyp tekserilgen.
"Bir adamǵa bir mezgilde aqyly da, TMKKK men MÁMS esebinen de qyzmet kórsetilgen faktiler anyqtaldy. Mundai qosarlanǵan qyzmet sany 10,4 myńǵa jetken, jalpy somasy – 4,2 mlrd teńge", – dedi Nurlan Nurjanov.
56 mln qyzmetke qatysty qujatty tappai qalǵan
Aýditordyń sózinshe, birqatar meditsinalyq qyzmetti atqarǵan qosymsha oryndaýshylarda (soispolniteli) 56 milliondai kórsetilgen medqyzmetke qatysty rastaityn qujattar bolmai shyqqan. Bul qyzmetterdiń jalpy quny – 28 mlrd teńge.
Onyń ústine, MÁMS júiesin jetildirýge arnalǵan Jol kartasynda (2023 jylǵa josparlanǵan "e-Densaulyq" arhitektýrasyndaǵy biryńǵai meditsinalyq tólem júiesin engizý) eshqandai nátijege qol jetkizilmegeni anyqtaldy.
"Júieni iske qosý merzimi birneshe ret keiinge shegerilgen. Densaýlyq saqtaý ministrliginiń málimetinshe, 2025 jyldyń alǵashqy toqsanynda ǵana "Kelisimshart", "Monitoring", "Tólem" modýlderin tórt óńirde pilottyq rejimde iske qosý josparlanyp otyr», – deidi Nurlan Nurjanov.
Zalal kólemi – 34 mlrd teńge
Joǵary aýditorlyq palatanyń qorytyndysy boiynsha, anyqtalǵan faktilerden bolǵan yqtimal shyǵyn somasy 34 mlrd teńgeni qurady.
"Osyǵan bailanysty materialdar protsescýaldyq sheshim qabyldaý úshin Bas prokýratýraǵa joldandy", – dep sózin túiindedi Nurlan Nurjanov.
Taqyrypqa orailas jýyrda saitymyzda "Dári-dármekterdiń qoldan qymbattatylyp otyrǵany belgili boldy. "SQ-Farmatsiia ne deidi?" degen maqala jariialanǵan bolatyn.
