Sáýir aiynyń qorytyndysy boiynsha teńge baǵamy 1 AQSh dollary úshin 512,48 teńgege deiin, iaǵni 1,6%-ǵa álsiredi. Qazaqstan qor birjasyndaǵy saýda-sattyqtyń ortasha bir kúndik kólemi bir aida 243 mln AQSh dollarynan 246 mln AQSh dollaryna deiin ulǵaidy. Saýda-sattyqtyń jalpy kólemi 5,4 mlrd AQSh dollary boldy, dep habarlaidy Dalanews.kz Ulttyq Banktiń baspasóz qyzmetine silteme jasap.
Sáýirde Ulttyq qordan 968 mln AQSh dollaryna valiýta satyldy. Bul respýblikalyq biýdjetke transfert bólýdi qamtamasyz etýge múmkindik berdi. Ulttyq qordan satý úlesi jalpy saýda-sattyq kóleminiń 18%-yn nemese kúnine shamamen 44 mln AQSh dollaryn qurady.
"Respýblikalyq biýdjetke transfert bólýge arnalǵan Úkimettiń aldyn ala boljamdy ótinimderi boiynsha mamyrda Ulttyq Bank Ulttyq qordan 950 mln AQSh dollarynan 1050 mln AQSh dollaryna deiingi mólsherde valiýta satylady dep boljaidy. Sáýirde "shaǵylystyrý" operatsiiasy aiasynda 213 mlrd teńge alyndy. Mamyr ishinde osy maqsatta 213 mlrd teńgege balamaly mólsherde valiýta satylady dep kútilýde", dep naqtylaidy bas retteýshi organ.
Ulttyq qor qarajatymen operatsiialar júrgizý kezinde, sondai-aq "shaǵylystyrý" tetigin iske asyrý kezinde Ulttyq Bank naryqtyq beitarap qaǵidatyn saqtaidy. Bul shetel valiýtasyn turaqty jáne birkelki satýdy bildiredi.
Ulttyq Bank sáýirde valiýtalyq interventsiia júrgizgen joq.
Ótken aidyń qorytyndysy boiynsha, valiýtalyq túsimniń bir bóligin mindetti satý normasy aiasynda kvazimemlekettik sektor sýbektileriniń valiýtalyq túsimdi satý kólemi shamamen 308 mln AQSh dollaryn qurady. Kvazimemlekettik sektor kompaniialary valiýta naryǵyndaǵy satý protsesin ekinshi deńgeili bankter arqyly óz betinshe jalǵastyryp keledi.
"BJZQ zeinetaqy aktivteriniń valiýtalyq úlesin 40% deńgeiinde ustap turý maqsatynda Ulttyq Bank sáýirde birjadaǵy saýda-sattyqta shetel valiýtasyn satyp aldy. Onyń jalpy somasy 250 mln AQSh dollaryn nemese jalpy saýda-sattyq kóleminiń shamamen 5%-yn qurady. Ulttyq Bank BJZQ zeinetaqy aktivterin senimgerlikpen basqarýshy retinde uzaqmerzimdi kezeńde naqty kiris alýdy jáne onyń saqtalýyn qamtamasyz etýdi basty nazarda ustaidy. Osyǵan bailanysty valiýta naryqtyq koniýnktýraǵa bailanysty satyp alynady. Bul rette, osy maqsatta mamyrda valiýtany satyp alý kólemi 250 mln AQSh dollarynan aspaidy", delingen resmi habarlamada.
Aita ketsek,buǵan deiin el ekonomikasyn "qyzyp ketýden" qorǵaý úshin alǵash ret bankter kapitalynyń jetkiliktiligine býferler qoldanylǵanyn jazǵanbyz.
