"Mamyr aiynda Ulttyq Bank tarapynan jasalatyn valiýtanyń taza satylymy kólemi aitarlyqtai ózgeriske ushyra qoimaidy, alaida munai baǵasy qazirgidei tómen deńgeide qala berýi múmkin. Osylardyń barlyǵyn eskersek, mamyr aiynyń sońyna qarai teńgege shaqqanda 1 AQSh dollarynyń baǵamy 510-520 teńge aralyǵynda qalyptasady dep esepteimiz".Halyk Finance Taldaý ortalyǵynyń sarapshy Aidos Taibekuly osyndai boljammen bólisti, dep habarlaidy Dalanews.kz.
Onyń aitýynsha, mamyr aiynda Ulttyq qordan valiýta alyp, satý sáýir aiyndaǵydai joǵary deńgeide qalyptasady: 950 mln dollardan 1050 mln dollarǵa deiin, bul sońǵy kezeńdegi mánderden aitarlyqtai joǵary.
"Ulttyq bank usynǵan esepte bul somanyń qai bóligi biýdjetke aýdarylatyny, al qai bóligi infraqurylymdyq jobalarǵa arnalǵan "Samuryq-Qazyna" UÁQ baǵaly qaǵazdaryn satyp alýǵa jumsalatyny naqty kórsetilmegen. Qalai bolǵanda da, mundai qarqyn ótken jyldaǵydai Ulttyq qordaǵy aktivti paidalanýdy údete túsedi. Jalpy, Ulttyq qordan shetel valiýtasyn alyp, satý kóleminiń ulǵaiýy biýdjet saiasatynyń tsikldiligin arttyrady, bul óz kezeginde teńge baǵamy men infliatsiiaǵa áser etetin bolady", - deidi maman.
Sonymen qatar, Aidos Taibekuly Ulttyq Bank "shaǵylystyrý" tájiribesin odan ári paidalana beretinin, onyń aiasynda mamyr aiynda 213 mlrd teńge (shamamen 414 mln dollar) kóleminde valiýta satý josparlanyp otyrǵanyn naqtylaidy. Onyń ústine mamyrda kvazimemlekettik sektor sýbektileriniń valiýtalyq túsimderiniń 50%-yn mindetti túrde satýy týraly ereje óz kúshinde bolady.
"Sondai-aq, BJZQ zeinetaqy aktivteriniń valiýtalyq úlesin 40% deńgeiinde saqtaý maqsatynda Ulttyq bank BJZQ úshin shetel valiýtasyn satyp alýdy jalǵastyrýdy josparlap otyr. Mamyr aiynda valiýta satyp alý kólemi 250 mln dollardan aspaidy. Bul rette Ulttyq bank valiýtany satyp alý naryqtyq jaǵdailarǵa bailanysty júrgiziletinin aityp, onyń naqty satyp alý somasyn jariialamady. BJZQ úshin satyp alynatyn valiýta somasynyń bolmaýy naryqtyq beitaraptyq printsipinen aýytqýdy kórsetýi múmkin. Nátijesinde, mamyrda Ulttyq bank naryqta shetel valiýtasyn taza satýy sáýirdegi 1 131 mln dollarmen salystyrǵanda azdap kóbeiip, shamamen 1 164 mln dollarǵa jetedi. Mamyr aiynda munai baǵasynyń qazirgi tómen deńgeiinde qalýy yqtimal ekenin eskersek, aidyń sońyna deiin 1 AQSh dollarynyń teńgege shaqqandaǵy baǵamy 510-520 teńge aralyǵynda bolmaq", - deidi Halyk Finance sarapshysy.
Buǵan deiin saitymyzda munai baǵasy 60 dollardan da tómengeni, osylaisha OPEK+ Qazaqstandy jazalaýǵa jeń túre kiriskeni, bul rette Úkimettiń ne qam jasap jatqany týraly maqala jariialanǵan bolatyn.
