Jalpy zańger mamandyǵyn eń ámbebap mamandyqtardyń qataryna jatqyzýǵa bolady dep sanaimyn.
Zańger mamany- zaman talabyna sai suranystaǵy mamandyq bolǵandyqtan, órkenietti memlekette zańgerdiń mańyzdy áleýmettik róli oǵan joǵary kásibi jáne moraldyq-etikalyq talaptar qoiady. Osy joǵary talaptarǵa jaýap berý úshin, zań salasynda qyzmet atqaratyn árbir adam óziniń jalpy mádeni jáne kásibi deńgeiin únemi arttyrýy tiis.
Bilikti zańger bolý úshin kóp bilý kerek, keń bilimi men quqyqtyq jumys tájiribesi bolýy kerek. Degenmen,kásibi qyzmetiniń sipatyna bailanysty zańger zań bilimi ǵana emes, sonymen qatar joǵary quqyqtyq mádenietke, kásibi etika men estetikany ustanýy shart.Ár mamandyqta óziniń adamgershilik máseleleri bar.
Adamgershilik mádenieti-eń aldymen adamdarmen turaqty nemese tipti úzdiksiz qarym-qatynasta bolatyn mamandyqtarda saqtalýy kerek.Zań salasynda qyzmet atqaratyn mamannyń sóileý mádenietiniń joǵary dárejede bolýy da kásibi talap.Zańgerdiń bilim deńgeii ǵana emes,sóileý mádenieti de mańyzdy ról atqarady.Zańger tarapynan sózdik normalardy buzý,kásibi etika men mádenietti saqtamaý tyńdaýshylar arasynda onyń kásibi deńgeiine senimsizdik týdyrady.
Zańger mamandyǵy – búkil ómirińdi arnap jáne óz tańdaýyńdy maqtan eterlik, qiyn ári kúrdeli, alaida óte qyzyqty jáne mártebeli mamandyq. Zańger jumysy – quqyq úshin kúres, ol kúres zańgerlerge úlken rýhani lázzat syilaidy. Zańger mamandyǵynyń taǵy bir jaqsy jeri – alynǵan bilimdi memlekettik basqarýdyń ár salasynda: ǵylymda, ekonomikada, mádeniette, sportta jáne jýrnalistikada paidalanýǵa bolady. Joǵary bilikti zańger – kásibi qyzmette árýaqyt qajet. Zańger mamandyǵyn támamdaǵan shynaiy bilikti mamandar joǵary intellektýaldy ári uiymdastyrýshylyq qabiletke ie bolady.Bolashaq zań mamanyn daiyndaýda qara shańyraq QazUÝ-ǵa teń keleri joq. Sebebi,zań salasy adam ómirine jaýapty bolar mamandyqtyń biri ári biregeii. Shynaiy jáne ádiletti sheshimder qabyldaýǵa,tártip ornatýǵa,adam ómiriniń qaýipsizdigine tikelei jaýapty tulǵamyz, Ata zańymyz aldynda jaýapkershilikti sezinemiz.
Bisenova M.Q
ál-Farabi atyndaǵy Qazaq ulttyq ýniversitetiniń zań fakýlteti qylmystyq quqyq,qylmystyq is júrgizý jáne kriminalistika kafedrasynyń oqytýshysy
Abdyken Quralai
Zań fakýltetiniń magistranty
