Mańǵystaý oblysynyń Beineý aýdanynda jabaiy janýarlardy qorǵaýǵa baǵyttalǵan birikken reidtik is-shara ótti, dep habarlaidy Dalanews.kz.
Reid barysynda kiikterdiń Ústirt taralymy boiynsha eń kóp shoǵyrlanǵan aýmaqtar qamtyldy. Nátijesinde shamamen 15 myń bas kiik anyqtalǵan. Mamandardyń málimetinshe, janýarlardyń jalpy jaǵdaiy birqalypty, shaǵylystan keiingi tekelerdiń kúii qanaǵattanarlyq, ólim-jitim derekteri tirkelmegen.
Sonymen qatar eldi mekenderde turǵyndar arasynda jabaiy janýarlar dúniesin qorǵaý jáne zań buzýshylyqtyń aldyn alý maqsatynda túsindirý, úgit-nasihat jumystary júrgizildi. Qazirgi ýaqytta kiikterdiń negizgi shoǵyrlanǵan aýmaqtarynda «Ohotzooprom ÓB» RMQK men «Eset», «Kóleńkeli» qaýmaldary inspektorlary tarapynan baqylaý jáne qorǵaý jumystary turaqty túrde jalǵasyp jatyr.
Budan bólek, jergilikti mańyzdaǵy «Qyzylsai» memlekettik óńirlik tabiǵi parkiniń aýmaǵynda da reidtik shara ótkizildi. Kerti taýy mańynan jáne Besbulaq aýmaǵynan 50-ge jýyq arqar baiqalǵan. Alaida taýly aimaqta joldardy qalyń qar basyp, avtokólikterdiń qozǵalysyna aitarlyqtai qiyndyq keltirgen.
Sondai-aq, 11 aqpan kúni aýmaqtyq inspektsiia basshysy Ǵabbas Dosatov Kaspii teńizi jaǵalaýynda aqqý ólekseleriniń tirkelýine bailanysty Mańǵystaý telearnasyndaǵy «Tórletińiz» baǵdarlamasyna qatysyp, jýrnalister men kórermenderdiń suraqtaryna jaýap berdi.
Onyń aitýynsha, oblystyq veterinariia mamandary ólgen eki aqqýdan synama alyp, zerthanaǵa joldaǵan. Al jaǵalaýdan tabylǵan ólekseler jergilikti atqarýshy organnyń tiisti mekemeleri arqyly arnaiy oryndarda joiylǵan. Qazirgi tańda Mańǵystaý oblysynda aqqý qustarynyń jappai qyrylýy tirkelmegen.
