Jylyoi aýdanynyń Kásipkerlik jáne aýyl sharýashylyǵy bólimi turǵyndardan kelip túsken 101 ótinishti tolyǵymen qanaǵattandyrdy, dep habarlaidy Dalanews.kz Tótenshe jaǵdailar jónindegi jedel shtabyna silteme jasap.
Qosshaǵyl aýyldyq okrýginde ornalasqan "Qaraǵai" sharýa qojalyǵynyń basshysy Aitýar Myrzaǵalievtiń aitýynsha, sý tasqyny kezinde onyń eki jylqysy sýǵa batyp ketken. Ol ótinishin jergilikti kásipkerlik jáne aýyl sharýashylyǵy bólimine jetkizgen.
Bizge baǵalaý komissiiasy kelip, barlyq qujattardy zerdeledi. Biraz ýaqyttan keiin zalaldy baǵalaý nátijelerin habarlady. Biz kelisim berip, shotymyzǵa ótemaqymyzdy aldyq, - dedi Aitýar Myrzaǵaliev.
"Erkinqalieva" JK sharýa qojalyǵynda sý tasqyny kezinde eki siyr men tórt qoshqar sýǵa batyp ketken. Zalaldyń jalpy somasy 1,2 mln teńgeni qurady.
⁃ Kásipkerlik jáne aýyl sharýashylyǵy bólimine júgingennen keiin, sý tasqyny kezinde joǵalǵan malym úshin zalal kólemi tolyǵymen óteldi, - dedi sharýa qojalyǵynyń basshysy Aida Erkinqalieva.
Jylyoi aýdanynyń kásipkerlik jáne aýyl sharýashylyǵy bóliminiń basshysy Nurtas Qýatbaevtyń aitýynsha, búginde malynan airylǵan azamattardyń shottaryna barlyǵy 123,8 mln teńge aýdarylǵan.
⁃ Ótinishterdi qabyldaý jalǵasýda, 15 jumys kúni ishinde arnaiy komissiia barlyq qujattardy qaraidy, ótemaqy malynan airylǵan azamattyń jeke shotyna aýdarylady. Buǵan deiin qabyldanǵan ótinishter boiynsha zalal tolyǵymen óteledi, - dedi Nurtas Qýatbaev.
Eske sala keteiik, sý tasqyny kezinde Qulsaryda 876 bas usaq jáne iri qara mal zardap shekken. Onyń ishinde: 93 bas iri qara, 697 bas usaq mal, 55 bas jylqy, 31 bas túie, 532 qus bar. Búginde azamattardan túsken barlyq ótinishter boiynsha ótemaqy tolyq tólendi.
