QR Prezidentiniń keńesshisi Málik Otarbaev jumys sapary barysynda Jetisý oblysynyń Eskeldi aýdanyna baryp, jergilikti turǵyndarmen kezdesti. Kezdesýdiń negizgi taqyryby Memleket basshysy Qasym-Jomart Toqaevtyń «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty Joldaýynyń óńirde iske asyrylýy boldy, dep habarlaidy Dalanews.kz.
Oblys ákiminiń orynbasary Dias Esdáýletov kezdesýdi ashyp, óńirde áleýmettik-ekonomikalyq damý, infraqurylymdy jańǵyrtý, kásipkerlikti qoldaý jáne qoǵamdyq turaqtylyqty qamtamasyz etý baǵyttary boiynsha júieli jumys júrgizilip jatqanyn atap ótti.
Eskeldi aýdanynyń ákimi Eldos Ahmetov aýdan boiynsha Joldaýda berilgen tapsyrmalardyń oryndalýy týraly aitty. Onyń sózine qaraǵanda, biylǵy jyly Eskeldi aýdanyna 26,4 mlrd teńge investitsiia tartylyp, iri energetikalyq jobalar júzege asyrylýda, ónerkásip ónimi kólemi 9,1 mlrd teńgege deiin ósip, agroónerkásip kesheninde zamanaýi tehnologiialardy engizý arqyly 45,1 mlrd teńgeniń ónimi óndirilgen. Aýdanda 13,7 shaqyrym jol jóndelip, 40 shaqyrymnan astam sý qubyry jańartyldy, 19 eldi meken gazben qamtyldy, áleýmettik osal sanattaǵy azamattar úshin 20 úi satyp alynyp, mektepter men meditsinalyq nysandardy jóndeý jumystary jalǵasýda. Shaǵyn jáne orta biznestiń tórt myńǵa jýyq sýbektisi jumys istep, 7,5 myńnan astam adamdy jumyspen qamtyp otyr, týrizm salasy da damyp keledi.
Kezdesýdi jalǵastǵan Málik Otarbaev Prezident Joldaýy jeti negizgi baǵytty qamtitynyn atap ótti. Olardyń qatarynda tsifrlandyrý, ekonomikany damytý, innovatsiialar, bilim berý, densaýlyq saqtaý, áleýmettik saiasat jáne quqyqtyq tártipti nyǵaitý bar. Sonymen qatar «Zań men tártip» ideologemasyn, «Taza Qazaqstan» jáne «Adal azamat» baǵdarlamalaryn iske asyrýdyń mańyzdylyǵyna toqtalyp, olardyń turaqty ári ádil qoǵam qalyptastyrýdaǵy róline erekshe toqtaldy. Prezident keńesshisi tsifrlandyrý men jasandy intellekt tehnologiialaryn engizý elimizdiń básekege qabilettiligin arttyrýdyń, ekonomikalyq ósýdiń, basqarý tiimdiligin, qaýipsizdikti jáne azamattardyń ómir sapasyn jaqsartýdyń negizgi quraldaryna ainalyp otyrǵanyn jetkizdi. Bul protsesterde tsifrlyq daǵdylardy tez meńgeretin jáne innovatsiialyq sheshimder jasai alatyn jastardyń róli airyqsha, sondyqtan jańa býyn eldiń tsifrlyq transformatsiiasynyń qozǵaýshy kúshi bolýy tiis ekenin atap ótti.
Sondai-aq kezdesý barysynda Eskeldi aýdanynyń máslihat depýtaty Úmit Tortaeva, «Nam» sharýa qojalyǵynyń basshysy German Nam jáne Eskeldi aýdanynyń ardagerler keńesiniń tóraǵasy Qalabek Tastanbaev sóz sóiledi.
