2025 jylǵy 6 mamyrda Abai atyndaǵy Qazaq ulttyq pedagogikalyq ýniversitetinde Keńes Odaǵynyń batyry Málik Ǵabdýllin atyndaǵy dárishana ashyldy,- dep habarlaidy Dalanews.kz
Uly Jeńistiń 80 jyldyǵy jáne kórnekti ǵalym, filologiia ǵylymdarynyń doktory, professor Málik Ǵabdýllinniń 110 jyldyq mereitoiy aiasynda uiymdastyrylǵan sharaǵa ýniversitettiń basqarma basshylyǵy, ziialy qaýym ókilderi, ýniversitettiń professorlyq-oqytýshylar quramy jáne bilim alýshy belsendi stýdent jastar qatysty.
Sonymen qatar, ashylý rásimine Málik Ǵabdýllinniń qyzy Maidan Málikqyzy arnaiy qatysyp, ákesiniń ǵylymi murasyn saqtaý men nasihattaý baǵytyndaǵy jumystar jaiynda baiandap, onyń ulttyq ǵylym men mádenietke qosqan ólsheýsiz úlesin atap ótti.
Sondai-aq, atalǵan is-shara aiasynda Málik Ǵabdýllinniń 1958 jyly jaryq kórgen «Qazaq halqynyń aýyz ádebieti» atty ǵylymi eńbegi qaita basyp shyǵaryldy. Bul eńbek - ulttyq rýhaniiattyń altyn qoryna engen, ózektiligin áli kúnge deiin joǵaltpaǵan, jas urpaqtyń rýhani damýyna baǵyttalǵan qundy mura. Ýniversitet bul basylymdy qaita jaryqqa shyǵarý arqyly halyqtyq muralardy dáriptep, stýdentter boiyna ulttyq qundylyqtardy sińirýdi kózdep otyr.
Aita ketsek, Málik Ǵabdýllin 1944–1951 jyldar aralyǵynda Abai atyndaǵy QazPI-de (qazirgi - Abai atyndaǵy QazUPÝ) rektor qyzmetin atqaryp, bilim men ǵylym salasynyń damýyna zor úles qosqan.
