Malaiziiada 1 maýsymnan bastap 16 jasqa tolmaǵan balalar úshin áleýmettik jelilerdi paidalanýǵa shekteý engizildi, dep habarlaidy dalanews.kz.
Jańa erejeler iri platformalarǵa, sonyń ishinde Facebook, Instagram, TikTok jáne YouTube jelilerine qatysty. Endi platformalar jańa qoldanýshylardyń jasyn memlekettik derekter bazasy arqyly tekserýge mindetti.
Talaptardy oryndamaǵan kompaniialarǵa 10 mln ringgitke deiin aiyppul salynýy múmkin. Bul shamamen 1,2 mlrd teńgege teń.
Malaiziia biligi internettegi qaýipti kontenttiń kóbeiýinen keiin platformalardy qatańyraq retteýge kóshken. Jańa shekteýler násildik nemese dini alaýyzdyqty qozdyrady dep tanylǵan kontentke, sondai-aq monarhiiany synaityn materialdarǵa da qatysty.
Osylaisha Malaiziia jasóspirimderdiń internettegi qaýipsizdigin kúsheitý jáne onlain-kontentti baqylaýdy arttyrýǵa baǵyttalǵan jańa saiasat engizip otyr.
