Qazaqstanda mal sharýashylyǵyn damytý úshin jyldyq mólsherlemesi 6% bolatyn jeńildetilgen nesie baǵdarlamasy iske qosyldy, dep habarlaidy Dala News.
Aýyl sharýashylyǵy ministrliginiń málimetinshe, bul bastama Memleket basshysynyń mal basyn kóbeitý, ónimdilikti arttyrý, óńdeýdi damytý jáne eksporttyq áleýetti kúsheitý jónindegi tapsyrmasy aiasynda ázirlengen.
Baǵdarlama 2026–2030 jyldarǵa arnalǵan mal sharýashylyǵyn damytý jónindegi keshendi jospar sheńberinde iske asyrylyp otyr.
Jeńildetilgen nesieniń negizgi sharttary:
•jyldyq mólsherleme – 6%;
•salanyń erekshelikterin eskeretin ikemdi nesieleý merzimi;
•qarjylandyrýdy «Agrarlyq nesie korporatsiiasynyń» filialdary, kredittik seriktestikter jáne ekinshi deńgeili bankter arqyly alý múmkindigi.
Bólingen qarajat aýyl sharýashylyǵy janýarlaryn satyp alýǵa jáne bordaqylaý alańdaryn damytýǵa baǵyttalady.
Ministrlik bul baǵdarlama agrarshylarǵa memlekettik qoldaýdy kúsheitip, Qazaqstanda mal sharýashylyǵynyń damýyna jańa serpin beredi dep kútýde.
