Qazir aýyldaǵy aǵaiynnyń mal bordaqylap satý úirenshikti sharýasy desek bolady. Jeti atasynan deiin mal baqqan qazaq úshin mal sharýashylyǵy ata kásip. Desek te, qazirgi tańda mal bordaqylaý isin zaman talabyna sai júrgizsek, odan mol paida tabýǵa bolady. Bul baǵytta asyl tuqymdy, eti álemdik naryqta suranysqa ie iri qaralardy bordaqylaý etin saýdaǵa shyǵarýdyń mańyzy zor. Sondyqtan bizdiń sharýalar mal bordaqylap, et óndirý isine jańasha kózaqaraspen qaraýy kerek.
Elimizde mal bordaqylaý damyp keledi. 2022 jylǵy málimetke nazar aýdaratyn bolsaq, memleket aýmaǵynda irili-usaqty 594 bordaqylaý alańy jumys isteitinin baiqaimyz. Olardyń óndiristik qýaty 50-den 20 myń basqa deiin mal bordaqylaýǵa qaýqarly. Anyǵynda mal bordaqylaý alańdary áli de usaq. Eger et eksportynda básimizdi arttyramyz desek, ortasha mal bordaqylaý alańdaryn kóptep salýymyz kerek. Mundai sharýashylyqtardy baqylap, oǵan zamanaýi tehnologiialardy engizý óte qolaily.
Mal bordaqylaý alańdarynyń damýy et óndirisiniń sapasy men kólemin arttyrýǵa yqpal etetini sózsóz. Búginde Túrkistan oblysynyń Ordabasy aýdanynda 28 myń bas iri qara malǵa arnalǵan bordaqylaý kesheni jumys istep tur. Bul keshen biyl iske qosylyp, jylyna 40 myń bas iri qara maldy bordaqylap, 9,5 myń tonna taza et óndirýdi josparlap otyr. Aldaǵy ýaqytta ár oblysta osynda irgeli sharýashylyqtardyń sanyn arttyrýymyz kerek.
Osy rette mal bordaqylaý isimen ainalysyp júrgen sharýalarǵa memleket tarapynan qandai qoldaýlar kórsetilip jatqanyna az-kem toqtalsaq. Búginde mal bordaqylaý isine memleket tarapynan sýbsidiialar men nesieler turaqty túrde berilip keledi. Aitalyq, «Agrarlyq nesie korporatsiiasy» AQ-y aýyl sharýashylyǵy salasynda eńbek etetin sharýashylyqtarǵa nesie berý isin jalǵastyryp, onyń paiyzdyq mólsherlemesiniń bir bóligin memleket sýbsidiialaidy.
Mysaly, Taldyqorǵan qalasynyń mańyndaǵy sharýashylyq qojalyǵy 230 mln teńge nesie alyp, 852 bas iri qara satyp alǵan. Mundai mysaldardy kóptep keltirýge bolady. Sonymen qatar, usaq maldy bordaqylaý keshenderiniń tiptik jobalary ázirlenýde. «Shopan ata» Qazaqstannyń Ulttyq qoi ósirýshiler assotsiatsiiasy usaq maldy bordaqylaý keshenderiniń tiptik jobasyn daiyndaýdy josparlap otyr. Bul jobalar investorlar men sharýashylyqtarǵa daiyn syzbalardy qoldanýǵa múmkindik beredi.
Jalpy, Qazaqstanda mal bordaqylaý salasy memlekettik qoldaý men jeke bastamalardyń arqasynda turaqty damyp, et óndirisiniń sapasy men kólemin arttyrýǵa baǵyttalǵan.
