Onyń pikirinshe bostandyqqa shyqqan Boqaev burynǵy pozitsiiasynan taiqyp ketken. Qýanyshálin muny Janbolat Mamaidan kóredi.
"Maks túrmede otyrǵanda ony Mamai, Talǵan Aian jáne biliktiń basqa da jaldamaly jansyzdary qorshap alyp, óz "qamqorlyǵyna" aldy. Makstiń Mamai qurǵan partiiany qoldaitynyna kózim jetti" – deidi ol.
Qýanyshálin osy arada budan týra bir jyl álemjelide "Maksty Mamaidyń partiiasyna tartý biliktiń kómegimen júrip jatyr" degen post jazǵanyn el esine salypty. Osy sebepti de Boqaev bostandyqqa shyqqanda, ony birden quttyqtamai, áliptiń artyn baqqan.
"Ókinishke orai, onyń ainalasynda Mamai men mamaishyldar júr. Boqaev Mamaidyń partiiasyna qosylam degen oiynan ainymapty. Soǵan qaramai sońyna deiin úmit úzgim kelmedi. "Qaitip úiirin tabar" degen senimde júrdim. Alaida Makstyń sońǵy suhbaty bul máselege núkte qoiǵandai boldy.
Onyń 30 jyl boiy el bilegen Nazarbaevty kemshilikteri úshin jaýapkershilikten bosatyp, "demalysqa jiberý" jáne jaǵdaidy "azamat soǵysyna jetkizbeý" úshin bilikpen "dialog qurý" týraly esh aqylǵa syimaityn, kúreskerge tán emes usynystary úmitimniń byt-shytyn shyǵardy!", – deidi Jasaral myrza.
Qoǵam belsendisinen kóńili qalǵan ol túrmege deiingi Boqaev pen túrmeden keiingi Boqaev eki bólek adam dep esepteidi. Qýanyshálinniń pikirinshe búginge júiemen astyrtyn kelisimge kelgen "kúreskerlerdi" qazaq qoǵamy qabyldamaidy. "Maks Boqaev, ókinishke orai, halyq senimin aqtamady", – deidi ol.
