ونىڭ پىكىرىنشە بوستاندىققا شىققان بوقايەۆ بۇرىنعى پوزيسياسىنان تايقىپ كەتكەن. ءقۋانىشالين مۇنى جانبولات مامايدان كورەدى.
"ماكس تۇرمەدە وتىرعاندا ونى ماماي، تالعان ايان جانە بيلىكتىڭ باسقا دا جالدامالى جانسىزدارى قورشاپ الىپ، ءوز "قامقورلىعىنا" الدى. ماكستىڭ ماماي قۇرعان پارتيانى قولدايتىنىنا كوزىم جەتتى" – دەيدى ول.
ءقۋانىشالين وسى ارادا بۇدان تۋرا ءبىر جىل الەمجەلىدە "ماكستى مامايدىڭ پارتياسىنا تارتۋ بيلىكتىڭ كومەگىمەن ءجۇرىپ جاتىر" دەگەن پوست جازعانىن ەل ەسىنە سالىپتى. وسى سەبەپتى دە بوقايەۆ بوستاندىققا شىققاندا، ونى بىردەن قۇتتىقتاماي، ءالىپتىڭ ارتىن باققان.
"وكىنىشكە وراي، ونىڭ اينالاسىندا ماماي مەن مامايشىلدار ءجۇر. بوقايەۆ مامايدىڭ پارتياسىنا قوسىلام دەگەن ويىنان اينىماپتى. سوعان قاراماي سوڭىنا دەيىن ءۇمىت ۇزگىم كەلمەدى. "ءقايتىپ ءۇيىرىن تابار" دەگەن سەنىمدە ءجۇردىم. الايدا ماكستىڭ سوڭعى سۇحباتى بۇل ماسەلەگە نۇكتە قويعانداي بولدى.
ونىڭ 30 جىل بويى ەل بيلەگەن نازاربايەۆتى كەمشىلىكتەرى ءۇشىن جاۋاپكەرشىلىكتەن بوساتىپ، "دەمالىسقا جىبەرۋ" جانە جاعدايدى "ازامات سوعىسىنا جەتكىزبەۋ" ءۇشىن بيلىكپەن "ديالوگ قۇرۋ" تۋرالى ەش اقىلعا سىيمايتىن، كۇرەسكەرگە ءتان ەمەس ۇسىنىستارى ءۇمىتىمنىڭ بىت-شىتىن شىعاردى!"، – دەيدى جاسارال مىرزا.
قوعام بەلسەندىسىنەن كوڭىلى قالعان ول تۇرمەگە دەيىنگى بوقايەۆ پەن تۇرمەدەن كەيىنگى بوقايەۆ ەكى بولەك ادام دەپ ەسەپتەيدى. ءقۋانىشاليننىڭ پىكىرىنشە بۇگىنگە جۇيەمەن استىرتىن كەلىسىمگە كەلگەن "كۇرەسكەرلەردى" قازاق قوعامى قابىلدامايدى. "ماكس بوقايەۆ، وكىنىشكە وراي، حالىق سەنىمىن اقتامادى"، – دەيدى ول.
