Jıynǵa, aýdan ákiminiń orynbasarlary jáne apparat basshysy, qala, aýyldyq okrýg ákimderi, derbes bólim basshylary, aýdannyń ár sala boıynsha tıisti mekeme basshylary qatysty.
Májilistiń kún tártibinde úsh másele qaraldy. Birinshi bolyp, Tólebı aýdandyq ishki saıasat bóliminiń basshysy Jumabaı Abdıev, Elbasy Joldaýyn nasıhattaý, aýdanda qoǵamdyq-saıası turaqtylyqty qamtamasyz etý, ultaralyq dostyqty nyǵaıtý, jastardyń áleýmettik quqyqtary men memlekettik kepildikterin júzege asyrý baǵyttary boıynsha 2018 jylǵy qańtar-qazan aılary aralyǵynda atqarǵan jumysy týraly baıandady.
Ekinshi bolyp sóz alǵan Kóksáıek aýyldyq okrýginiń ákimi Aıtjan Qabylbekov, Kóksáıek aýyldyq okrýginde aǵymdaǵy jyldyń 10 aıynda ekonomıkalyq-áleýmettik salalar boıynsha atqarylǵan jumystar týraly baıandady.
Kún tártibindegi úshinshi másele boıynsha aýdan ákimi apparatynyń uıymdastyrý- ınspektorlyq bóliminiń bas ınspektory Seıdýaly Kulmanov, aýdan ákimdigi janyndaǵy qurylǵan keńester, komısıalar, shtab jáne jumysshy toptardyń atqaryp jatqan jumystary boıynsha óz baıandamasyn jasady.
Baıandamalar barysynda aýdan ákimi Baýyrjan Omarbekov tıisti mekeme basshylary men qala aýyldyq ákimderine suraqtar qoıyp, kún tártibindegi qaralǵan máseleler boıynsha jáne aýdannyń áleýmettik-ekonomıkalyq kórsetkishin kóterýge qatysty naqty tapsyrmalaryn berdi.
Tólebı aýdany ákimdiginiń baspasóz qyzmeti
