Májilis tóraǵasy Erlan Qoshanov biýdjet qarajatyn tiimdi jumsaý jaily sóz qozǵap, Úkimettiń jumysyn synǵa aldy, dep habarlaidy Dalanews.kz.
Onyń pikirinshe, áleýmettik-ekonomikalyq damý jospary eldiń naqty ekonomikalyq jaǵdaiymen sáikes kelmeidi.
“Nátijesinde, biýdjet shyǵystary josparlanǵannan asyp ketedi, al jyl sońynda kiris jetispeýshiliginen Ulttyq qordyń qarajatyn paidalanýǵa týra keledi”, — deidi ol.
Qoshanov Úkimettiń qarjylyq turaqtylyqty qamtamasyz etý úshin taǵy da transfert suraýyna qatysty da pikir bildirdi.
“Ekonomikanyń ósýi men oń qarqyn alýy týraly aitylǵan baiandamalar is júzinde kórinbeidi. Shaǵyn jáne orta biznes salasyndaǵy belsendilik mardymsyz, al infraqurylymdyq jobalar men óńirlerdi damytýǵa salynǵan qomaqty qarjydan nátije kóre almai otyrmyz. Munyń bári, uzaq merzimdi josparlardy aitpaǵanda, tipti bir jyldyq perspektivanyń ekonomikalyq turǵydan durys josparlanbaitynyn kórsetedi. Onyń ústine, eń negizgisi Úkimet kelesi jyly bul máseleni qalai sheshetini jóninde óz ustanymdaryn depýtattarǵa kórsete almai otyr.”, — dep qosty ol.
Osylaisha Májilis tóraǵasy biýdjet jáne ekonomikalyq saiasatty túbegeili qaita qaraý qajettigin jetkizdi.
