Májilis karantınge ketken be?

Kórkem Aldabergenova 08 aqp. 2024 12:26 719

Endi Májiliste koronavırýsqa baılanysty maska taǵyp kelý mindetteldi, - dep habarlaıdy Dalanews.kz.

QR Prezıdenti is basqarmasy medısınalyq ortalyǵynyń bas sanıtar dárigeri osyndaı qaýly shyǵarǵan. 

Ol qaýlyǵa sáıkes,7 aqpannan bastap koronavırýs ınfeksıasyna baılanysty Májilis otyrysy ótetin ǵımaratqa mindetti túrde maskamen kelý kerek. 

Endi jınalystar men basqa da sharalar onlaın formatqa aýystyrylady nemese maska rejımi men sanıtarlyq normalardy saqtaı otyryp ótkiziledi.

"Osyǵan oraı, Májilistegi is-sharalarǵa qatysatyn jýrnalıserden shekteýler resmı túrde joıylmaıynsha joǵaryda atalǵan sharalardy saqtaýdy suraımyz. Ǵımaratqa kirer kezde ózińizben birge medısınalyq maskalar alyp kelýińizdi suraımyz", - delingen habarlamada.

Eske salaıyq, buǵan deıin koronavırýs ınfeksıasy Májilis tóraǵasy Erlan Qoshanovtan jáne Prezıdenttiń keńesshisi Qanat Bozymbaevtan anyqtalǵan bolatyn. 


Usynylǵan
Sońǵy jańalyqtar